( Here& Now  )کے بانی و چیئرمین مانش ٹواری   (Manish Tiwari  )کو کو گلڈہال، لندن کے چیمبرلینز کورٹ  میں منعقدہ ایک تقریب کے دوران دی فر یڈم آف دی سٹی کے لقب سے نوازا گیا۔ اعزاز سے نوازنے کی اس تقریب کا شمار قدیم ترین روایات میں ہوتا ہے جو غالباً 1237 سے آج تک چلی آ رہی ہے۔ تاریخی طور پر اس اعزاز کی بدولت فریمین کو ’’رائٹ ٹو ٹریڈ‘‘ مل جاتا تھا جس کے تحت گلڈ یا لیوری کے ارکان سکوائر مائل میں اپنی تجارتی شعبے کے کام کر سکتے تھے۔ فریمین کا اعزاز حاصل کرنے والے افراد پر کسی بھی جاگیردار کی ملکیت ختم ہو جاتی تھی اور انہیں زمین کا مالک بننے اور رقم کمانے کا حق حاصل ہو جاتا تھا۔ تقریب کے دوران مانش ٹواٹی نے ’ڈیکلریشن آف فریمین‘ پڑھا اور فریمینز ڈیکلریشن بک میں دستخط کئے جس کے بعد انہیں ’کاپی آف دی فریڈم‘ پیش کی گئی جو ایک کیلی گرافر کی تیار کی ہوئی دستاویز ہوتی ہے جس کے ساتھ ’رولز فار دی کنڈکٹ آف لائف‘ کی کاپی دی جاتی ہے جو اٹھارہویں صدی کے وسطی سالوں سے دی جا رہی ہے۔ اس موقع پر اظہار خیال کرتے ہوئے فریمین مانش ٹواڑی نے کہا کہ اپنے کثیر ثقافتی ورثے کی بدولت یہ شہر پھل پھول رہا ہے۔ اپنے ماضی اور وقت کے ساتھ بدلنے والی سوچ کی بدولت یہ شہر گلوبل فنانس کے شعبے میں پیش پیش ہے اور اس کا حصہ بننا میرے لئے فخر کی بات ہے۔ اگرچہ اس اعزازکی حیثیت اب محض علامتی رہ گئی ہے لیکن آج بھی اسے انتہائی باوقار سمجھا جاتا ہے کیونکہ اس کے ذریعے کمیونٹی کے قابل قدر رکن کا اعتراف کیا جاتا ہے۔ تمام لائیوری مین کے لئے آج بھی فریمین آف دی سٹی ہونا ضروری ہے اور یہی لائیوری مین لارڈ میئر اور کارپوریشن آف لندن کے شیرف صاحبان کا انتخاب کرتے ہیں۔ فریمین کے لقب اور اس سے وابستہ مراعات کے ساتھ بعض فرائض بھی ہیں جنہیں فریمین کو پورا کرنا ہوتا ہے۔ 1996 سے قبل فریمین کا لقب صرف برطانیہ یا دولت مشترکہ کے شہریوں کو دیا جاتا تھا۔ البتہ اب یہ دنیا بھر کے کسی بھی قومیت سے تعلق رکھنے والے افراد کو نامزدگی کے ذریعے دیا جا سکتا ہے یا لائیوری کمپنی انہیں پیش کرتی ہے۔ یہ اعزاز حاصل کرنے والوں میں  ملکہ الزبتھ دوم، فلورنس نائٹنگیل، ونسٹن چرچل، جواہر لعل نہرو، مارگریٹ تھیچر، پروفیسر سٹیفن ہاکنگز، مورگن فریمین اور جان کیری سمیت کئی تاریخی شخصیات شامل ہیں۔ گلڈہال میں منعقد ہونے والی اس تقریب میں مانش ٹواڑی کے ہمراہ ان کے اہل خانہ، دوست اور ساتھی بھی موجود تھے۔