برج حمل آج کا دن کیسا گزرے گا

آج کے دن کا خاص سبق یہ ہے کہ اپنی گفتگو اور بات چیت کی صلاحیت سے بھرپور انداز میں فائدہ اٹھانے کی کوشش میں کامیاب ہو سکیں گے مگر جوش کے ساتھ ساتھ ہوش کا استعمال بھی ضروری ہوگا۔کسی حالت میں بھی آپ سخت اور شدید جذباتی اند از اختیار نہ کریں ۔ دن کے آغاز سے ہی آپ کے ذہن پر مالی معاملات یا روپے پیسے کی فکر مندی حاوی ہو گی۔ اس کے لئے اپنے ماضی کے کچھ بہترین دنوں کو یاد کر کے اپنی عملی حکمت عملی کو دوبارہ سے مرتب کرنے کی کوشش کریں ۔ اپنے اندر موجود سستی اور کاہلی کو اپنے انداز سے ہی کنٹرول کر نے کی کوشش کریں کیونکہ زیادہ سوچوں کا دباؤ بھی آپ کو ذہنی طور پر انتشار کا شکار بنا سکتا ہے ۔ (یکم دسمبر،2020ء)