09:25 am
لڑکی کے پیٹ سے دو کلو بال برآمد

لڑکی کے پیٹ سے دو کلو بال برآمد

09:25 am

لاہور ۔ کچھ ماہ قبل انڈیا سے خبر آئی تھی کہ ایک لڑکی کا آپریشن ہوااور اس کے پیٹے سے کافی تعداد میں زیورات برآمد ہوئے جو وہ اپنے بھائی کی دکان سے چوری کر کے کھایا کرتی تھی تاہم اب روس میں ایک واقعہ پیش آیا ہے کہ لڑکی اپنے جسم کے بال کھاتی تھی اور آپریشن کر کے اس کے پیٹ سے دو کلو بال نکالے گئے ہیں۔روس میں ایک 19 سال کی لڑکی کو پیٹ میں تکلیف ہوئی اور طبیعت زیادہ بگڑنے پر انہیں ہسپتال لے جایا گیا۔ اس دوران ڈاکٹروں کو بتایا گیا کہ نوجوان لڑکی کو ہر کھانے کے بعد فوری طور پر الٹی آ جاتی ہے جس کے بعد وہ کافی کمزور محسوس کرتی ہے۔ہسپتال منتقلی کے بعد ڈاکٹرز نے لڑکی کے کئی ٹیسٹ کیے جس کے بعد انہیں معلوم ہوا
کہ اسکے پیٹ میں شاید پتھری یا کوئی ایسی ٹھوس چیز موجود ہے جس کی وجہ سے لڑکی کو کھانا ہضم نہیں ہوتا۔ڈاکٹرز کا کہنا تھا کہ مریضہ کی رپورٹس کے مطابق ٹھوس چیز نے لڑکی کے پیٹ میں تقریباً تمام جگہ کو گھیرا ہوا تھا اور اس کے پیٹ میں شدید تکلیف تھی جبکہ اسکی آنتوں میں انفیکشن پایا گیا تھا۔ سرجن کی ٹیم نے ٹیسٹ کے بعد جب لڑکی کا آپریشن کیا تو دیکھ کر حیران ہو گئے کہ اسکے پیٹ میں ٹھوس چیز 2 کلو وزنی بالوں سے بنا ہوا ایک گیند نما گچھا تھا جو 20 انچ چوڑا تھا۔لڑکی کا آپریشن کرنے والی ٹیم کے سربراہ کا کہنا تھا کہ بچپن میں بچوں کی عادت ہوتی ہے جس میں اپنے بالوں کو منہ میں لینے اور چبانے کے عادی ہوتے ہیں، یہ عادت زیادہ تر نوجوان لڑکیوں میں پائی جاتی ہے جو کہ اکثر بالوں کو منہ میں لیتے ہوئے یا چباتے ہوئے نِگل بھی لیتی ہیں۔اس لڑکی کے ساتھ بھی یہی مسئلہ تھا کہ اسے اپنے بال چبانے کی عادت تھی اور غیر محسوس انداز میں وہ دو کلو کے قریب اپنے بال کھا چکی تھی جو پیٹ میں جا کر جمع ہو گئے تھے۔ لڑکی کی والدہ کے مطابق آپریشن کے بعد ان کی بیٹی اب مکمل طور پر صحت یاب ہے۔جبکہ تحقیق کاروں کا کہنا ہے کہ ایسے لوگ جو اپنے ہی بالوں کو نگل لیتے ہیں وہ ایک نفسیاتی بیماری کا شکار ہوتے ہیں جسے ’ٹریکو فیگیا‘ کہا جاتا ہے۔

تازہ ترین خبریں