صلاحیت موجود ہوتی ہے۔ چمڑے سے بنے پرس، جوتے، والٹ ہوں یا الیکٹرونک آئٹمز، دوائیں ہوں یاکھانے کی کچھ اور چیزیں، ان سب کو پیک کرتے وقت سلیکا جیل کے چھوٹے پیکٹ شامل کئے جاتے ہیں ، تاکہ ان پروڈکٹس میں پانی نہ شامل ہوسکے اور پانی یا نمی کی وجہ سے یہ چیزیں خراب نہ ہوسکیں ۔ نمی کی وجہ سے جہاں کچھ چیزوں میں پھپھوندی لگنے کا خدشہ ہوتا ہے، وہیں کچھ چیزوں کی رنگت اور ان کے ذائقے بھی خراب ہوجانے کا اندیشہ رہتا ہے۔ یہی وجہ ہے
کہ اب ان چیزوں کو خراب ہونے سے محفوظ رکھنے کیلئے سلیکا جیل کے پیکٹ کو رکھا جاتا ہے۔ سلیکا جیل کو سیلی کون ڈائی آکسائیڈ کے نام سے بھی جانا جاتا ہے۔ یہ پیکٹ سینکڑوں چھوٹی گولیوں پر مشتمل ہوتے ہیں، جن میں نمی جذب کرنے کی صلاحیت موجود ہوتی ہے۔ اس سلیکا جیل کے پیکٹ پر لکھا ہوتاہے “DO NOT EAT” یعنی اسے نہ کھائیں ، یہ کھانے کیلئے نہیں ہے ۔ سلیکا جیل پیکٹس کا استعمال: اگر آپ کے پاس سلیکا جیل کے پیکٹس جمع ہوگئے ہیں تو آپ انہیں مندرجہ ذیل طریقوں سے استعمال میں لاسکتے ہیں۔ موبائل فون سے نمی ختم کرنا: اگر آپ کے فون پر پانی گِر گیا ہے، یا آپ کو لگتا ہے کہ ان کے چھوٹے پورٹس میں پانی چلا گیا
ہے ، اس کے لئے ایک پلاسٹک کی تھیلی میں کچھ سلیکا جیل کے پیکٹس ڈالیں، اس میں 24 گھنٹوں کیلئے موبائل فون رکھ دیں، موبائل میں موجود نمی کو سیلکا جیل اپنے اندر جذب کرلے گا۔ جیولری خراب نہیں ہوگی: اگر جیولری کی پالش خراب ہوجاتی ہے اور جیولری باکس میں موجود جیولری کالی پڑ جاتی ہے تو پھر اپنے جیولری باکس میں سلیکاجیل کے پیکٹس رکھیں، یہ جیولری کو نمی سے بچائے گا اور اس کی رنگت اور پالش خراب نہیں ہوگی۔ جم بیگ میں ڈالیں: جم کے سوٹ یا جوتوں میں اگر پسینے کی وجہ سے بدبو ہوجاتی ہے تو اس بیگ میں سلیکا جیل پیکٹس کو رکھیں۔ اس طرح جم کے بیگ میں جب جوتے، موزے یا کپڑے رکھے جائیں گے
تو ان میں پسینہ یا نمی نہیں رہے گی اور اس میں سے عجیب سی مہک نہیں آئے گی۔ بریڈ کرمب، چپس یا جڑی بوٹیوں کو تازہ رکھنے کیلئے: عموماً بریڈ کرمبز ،ڈرائی ہربز وغیرہ نمی کا شکار ہوکر خراب سی ہوجاتی ہیں ، انہیں نمی سے بچانے اور تازہ رکھنے کیلئے اس کی بوتل کے ڈھکن پر سلیکا جیل کے پیکٹ کو کسی ٹیپ سے چپکالیں اور پھر اس بوتل کا ڈھکن بند کردیں ۔ بوتل میں موجود ڈرائی جڑی بوٹیاں ، بریڈ کرمبز یا چپس وغیرہ خستہ و تازہ رہیں گے۔ کپڑوں سے ناگوار مہک کا خاتمہ: جب بھی کپڑوں کو الماری یا درازوں میں رکھیں تو ان کے درمیان سلیکا جیل کا پیکٹ رکھ دیں ، اس طرح ان کپڑوں کو مہینوں بھی
دراز میں رکھا جائے تو ان سے ناگوار مہک نہیں آئے گی ۔