سیرت طیبہ پر عمل کرنے سے ہی کامیابی ممکن ہے،ہمارے آقا دو جہاںؐ نے انسانوں کے حقوق کا تعین کیا ،مولانا الیاس و دیگر نبیؐ کی حیات طیبہ ہم مسلمانوں کو بہنوں کے حقوق ادا کرنے کا درس دیتی ہے،سیرت خاتم النبیینؐ کانفرنس سے خطاب چکوٹھی(نمائندہ خصوصی) عالمی مجلس تحفظ ختم نبوت ضلع جہلم ویلی کے زیر اہتمام ایک روزہ سالانہ سیرت خاتم النبیینؐ کانفرنس زیر سر پرستی شیخ الحدیث ،امیر عالمی مجلس تحفظ ختم نبوتؐ آزاد کشمیر،خطیب جامع قدیمی مسجد امام اعظم ابو حنیفہ حضرت مولانامحمد الیاس خان و زیر صدارت مولانا فرید احمد نائب خطیب مرکزی قدیمی جامع مسجد امام اعظم ابو حنیفہ چناری میں منعقد ہوئی کانفرنس کے مہمان خصوصی مولانا شبیر احمد کاشمیری نے کانفرنس سے خطاب کرتے ہوئے کہا کہ نبی اکرم ﷺ کی سیرت طیبہ پر عمل کرنے سے ہی کامیابی ممکن ہے آج مسلمان حضور ﷺ کی سیرت کو نہ اپنانے کی وجہ سے ناکامی کا شکار ہیں مولانا شبیر احمد کاشمیری نے کہا ہمارے آقا دو جہاں ﷺنے انسانوں کے حقوق کا تعین کیا ماں ،بہن ،بیٹی ،باپ ،بھائی کا الگ الگ درجہ و حقوق بتائے آج کے اس معاشرے میں مائوں کو دھکے دئیے جارہے ہیں بہنوں کو بھائی وراثت سے محروم کرتے جا رہے ہیں بھائی، بھائی کے حقوق پر ڈاکہ ڈال رہا ہے کیا نبی ﷺ کی سیرت ہمیں یہی درس رہے رہی ہے ۔ہمارے نبی ﷺ ماںکا نام سن کر تڑپ جاتے تھے ،اللہ کے نبی ﷺ نے فرمایا جنت ماں کے قدموں کے نیچے ہے میرے نبی ﷺ کی حیات طیبہ ہم مسلمانوں کو بہنوں کے حقوق ادا کرنے کا درس دیتی ہے کانفرنس سے مولانا گُل احمد الحضری ،مولانا عادل خورشید ،مولانا ظہیر عثمانی ،قاری ودید احمد ،قاری رشید احمد مولانا آزاد توحیدی ،مولانا طاہر فاروقی ،حافظ عبدالشکور حسان نے بھی خطاب کیا کانفرنس میں مولانا گُل احمد الظہری نے قرارداد پیش کرتے ہوئے کہا کہ آج کی یہ کانفرنس حکومت پاکستان اور اقوام عالم سے مطالبہ کرتی ہے کہ مقبوضہ کشمیر میں جاری بھارتی ظلم و تشدد کو فوری بند کیا جائے اور سو دنوں کے قریب جاری کرفیو کو ختم کر کے کشمیریوں کو آزادی سے زندگی بسر کرنے کا حق دیا جائے آج کی یہ کانفرنس قادیانیوں کی بڑھتی ہوئی سرگرمیوں کی پُر زور مذمت کرتی ہے اور حکومت آزاد کشمیر سے مطالبہ کرتی ہے آئین و قانون کے اندر قادیانیوں کو رہنے کا پابند بنایا جائے ۔گوجر بانڈی میں بھی جامع مسجد المصطفی میں سیرت النبی ﷺکے موضوع پر کانفرنس کا انعقاد کیا گیا جس میں مولانا الطاف لون ،جمیل احمد جامی ،مولانا فرید احمد ،مولانا شبیر احمد ،قاری ودید احمد نے خطاب کیا ۔