عوام چوبیس نومبر کو صہیب سعید کی کامیابی کیلئے آگے بڑھے، چوہدری نعیم عوام کو گزشتہ چالیس سالوں میں پہلی بار میرپور میں تعمیروترقی نظر آئی ہے،صدر انجمن تاجران میرپور (نامہ نگار) صدر انجمن تاجران چوہدری محمد نعیم ، محمد فاروق چوھان اور اسلم مغل نے اپنے مشترکہ بیان میں کہا ہے کہ عوام چوبیس نومبر کو چوہدری صہیب سعید کی کامیابی کےلئے آگے بڑھیں تاکہ میرپور کی تعمیر وترقی جاری رہ سکے۔ میرپور کے حقوق پر چوہدری محمد سعیدنے تین سال پہرہ دے کر چوکیداری کی ہے ۔ چوہدری صہیب سعید بھی اسی مشن کو لے کر آگے چلیں گے ۔ عوام کو گزشتہ چالیس سالوں میں پہلی بار میرپور میں تعمیروترقی نظر آئی۔ عوام چوہدری صہیب سعید کی کامیابی کے لیے متحد ہو کر تعمیرو ترقی کو ووٹ دیں۔ آہیندہ دوسالوں میں میرپور کے تمام باقی کام مکمل ہوجاہیں گے ۔ چوہدری محمد نعیم نے کہا ہے کہ میرپور کی سڑکیں اسلام آباد کا مقابلہ کر رہی ہیں ۔ سابق وزیر حکومت چوہدری سعید نے میرپور کے تمام تعلیمی اداروں کی بہتری کے بھاری فنڈز مہیا کرکے اداروں کی حالت کو ٹھیک کیا ہے ۔ بجلی کے نظام کو بہترکیاگیا ۔ ایک سو پچاس کے قریب شہر اور دہی علاقوں میں بجلی کے ٹراسفارمر نصب کروا کے عوام کو مسائل سے نجات دلوائی ۔ چوہدری محمد سعید نے صرف تین سالوں میں وہ تاریخی کام کروائے جو پچاس سال میرپور کی عوام سے ووٹ لینے والے نہ کرسکے ۔ عوام سابقہ پچاس سال اور گزشتہ تین سالوں میں میرپور میں تعمیروترقی کا خود موازنہ کریں ۔ چوبیس نومبر کو چوہدری صہیب سعید کے ہاتھ مضبوط کریں اور میرپور میں تعمیروترقی کے سفر کو جاری رکھنے کے لیے شیر پر مہر لگاہیں۔