10:57 am
ایس ایس پی پونچھ  تحفظ دیں،رشتہ داروں سے خطرہ ہے،محمدخالد

ایس ایس پی پونچھ تحفظ دیں،رشتہ داروں سے خطرہ ہے،محمدخالد

10:57 am

ایس ایس پی پونچھ تحفظ دیں،رشتہ داروں سے خطرہ ہے،محمدخالد ہجیرہ(نمائندہ اوصاف)رشتہ داروں کے مظالم سے بچایا جائے، قریبی رشتہ دارجان کے دشمن بن گئے، زندگی خطرے میں ہے، سسرال والے جان سے مارنے کی دھمکیاں دیتے ہیں میرے نومولود بچے سے ملنے نہیں دیاجارہا، ان خیالات کا اظہار گھمیر نندی ناڑ کے رہائشی محمدخالد ولد محمدشریف نے اپنے بیان میں کیا، محمدخالد نے بتایا کہ 2017کو اس نے راولاکوٹ سے شادی کی ، اس کی ساس رحمت جان اورسالے محمدطارق نے اس کی بیوی کو جبراً اپنے پا س رکھا ہواہے، میرا چار لاکھ روپے کا گھریلوسامان جس میں فرنیچر، الیکٹرانکس کا سامان ودیگراشیاء بھی ساتھ لے گئے ،میری بیوی کو غیرآبادکرکے مجھے بلیک میل کررہے ہیں، ایک مرتبہ مجھ پر قاتلانہ حملہ کرچکے ہیں جان سے مارنے کی دھمکیاں دیتے ہیں میرے خلاف درخواست بازی کرکے مجھے ہراساں کیاجارہا ہے، ایس ایس پی پونچھ میرے ساتھ ہونے والی زیادتی کا نوٹس لیں میری جان خطرے میں ہے کسی بھی وقت مجھے نقصان پہنچایا جاسکتا ہے۔ محمدخالد