جمعیت علماء اسلام جموں وکشمیر کا نامزد امیدوار ہوں، اخلاق جذبی حلقہ ایل اے تھری کی عوام ووٹ دے کر مسائل سے چھٹکارا حاصل کریں میرپور(نمائندہ اوصاف)جمعیت علماء اسلام جموں وکشمیر کے امیدوار اسمبلی حلقہ ایل اے تھری اخلاق احمد جذبی نے اپنا منشور جاری کردیا ہے جس میں واضح بتایا گیا ہے کہ علماء حق کی رہنمائی میں مسلمانوں کی منتشر قوتوں کو جمع کرکے خطہ کشمیر میں مکمل اسلامی نظام کے نفاذ کی کوشش کرناخطہ کشمیر میں روزگار کے مواقع پید کرنا ، اور اس حوالے سے اسمبلی کی ساری قوتوں کو مجتمع کرنا،تعلیم ہر شہری کابنیادی حق ہے ، ابتدائی تااعلیٰ تمام درجات کی مفت تعلیم کاانتظام کرنا،لادینی اور سیکولر قوتوں کے خلاف ہر سطح پرجدوجہد کرنا،ریاستی وسائل کی منصفانہ تقسیم کویقینی بنانا،قرآن مجید اور احادیث نبویؐ کوعصری تعلیم کالازمی حصہ بنانا،خواتین کی حفاظت تعلیم اور تربیت کیلئے اعلیٰ انتظامات کیلئے کوششیں کرنا ، مظلوم کشمیری مسلمانوں کی جدوجہد آزادی کوتیزی کرنے کیلئے وسائل کومجتمع کرنا ، صحت عامہ کے مراکز قائم کرنااور مفت ادویات کوبہم پہنچانا ، مسئلہ کشمیر کو عالمی سطح پراجاگر کرنے کیلئے ذرائع ابلاغ کے ذریعے موثر کوشش کرنا ،ہمارا پیغام ، خدا کی زمین پر خدا کانظام اگرآپ چاہتے ہیں کہ میرپور کے باسیوں کے مسائل حل ہوں،پانی کی بحالی ہو، سرکاری سکولوں کی بے حالی اور سڑکوں کو خستہ حالی دور ہوں،سرکاری ہسپتال کی حالت بہتر ہو ، کوئی مریض دوائی کونہ ترسے متاثرین منگلا ڈیم کوحقوق ملیں،رشوت، کرپشن، لوڈشیڈنگ اورمہنگائی کاخاتمہ ہو،گیس سے محروم لوگوں کوترجیحی بنیادوں پرگیس ملے۔جلد اور سستا انصاف مہیاہو،آپکے ووٹ کاصحیح حقدار ،جمعیت علماء اسلام جموں وکشمیر کے نامزد امیدوار محمد اخلاق جذبی کوووٹ دیں ۔ حلقہ ایل اے تھری کی عوام ووٹ دے کر مسائل سے چھٹکارا حاصل کریں۔ اخلاق جذبی