10:41 am
  اولڈ سروشینئز یونین میرپور  کے انتخابات مقررہ مدت میں ہونگے،محمد اعظم

اولڈ سروشینئز یونین میرپور کے انتخابات مقررہ مدت میں ہونگے،محمد اعظم

10:41 am

اولڈ سروشینئز یونین میرپور کے انتخابات مقررہ مدت میں ہونگے،محمد اعظم گورنمنٹ کالج کے طلباء کوجدیدڈیجیٹل سہولت رواں ماہ میں افتتاح کے بعد دینگے میرپور(نامہ نگار) آزاد کشمیرکی قدیم تعلیمی درسگاہ گورنمنٹ کالج میرپور کے سابق طلباء کی تنظیم اولڈ سروشینئز یونین میرپور کی ایگزیکٹوکمیٹی کا ایک اجلاس چیف جسٹس( ریٹائرڈ )سپریم کورٹ آزاد جموں کشمیر وسرپرست سروشینئز محمد اعظم خان کی صدارت میں منعقد ہوا ۔ اجلاس میں صدر سروشینئز یونین محمد اقبال رتیال ، سیکرٹری جنرل ڈاکٹر سی ایم حنیف ، سیکرٹری اطلاعات ظفر مغل ، سیکرٹری مالیات محمد شکیل چوہدری ، ممبران ایگز یکٹو کمیٹی پروفیسر چوہدری ظہیر ، پروفیسر حبیب الحق شیخ ، میر خالد فاروق ، احسن محمود اور دیگر نے شرکت کی ۔جس میں فیصلہ کیا گیا کہ اولڈ سروشینئز یونین کے انتخابات آئین کے مطابق مقررہ مدت میں منعقد کیے جائیں گئے جبکہ 30نومبر کو سروشینئزکے پلیٹ فارم سے مقبوضہ کشمیر کی موجودہ صورتحال پر گورنمنٹ کالج میرپور کے جسٹس محمد یونس سرکھوی ہال میں ایک کانفرنس منعقد کی جائے گی ۔ اجلاس میں لاریب انرجی کے تعاون سے گورنمنٹ کالج میرپور میں ای لائبریری اور 50کمپیوٹرز پر مشتمل لیب کی26لاکھ روپے کی لاگت سے زیر تکمیل کام پر اطمینان کا اظہا رکیا گیا اور کہا گیا کہ یہ جدیدڈیجیٹل سہولت رواں ماہ میں ہی گورنمنٹ کالج کے طلباء کو افتتاح کے بعد فراہم کر دی جائے گی جبکہ گورنمنٹ کالج میرپور میں امسال فرسٹ ائیر کے ہونہار اور ضرورت مند 62طلباء کو 2 لاکھ 94ہزار روپے کے سکالر شپ سروشیئنز یونین کی طرف سے دیئے گئے جب کہ آئندہ سال سیکنڈ ائیر کے ہونہار ضرورت مند طلباء کو بھی سکالر شپ سکیم میں شامل کرتے ہوئے مجموعی رقم دوگنا کرنے کا فیصلہ کیا گیا ۔

تازہ ترین خبریں