12:09 pm
  سردیوں کی شدت،رولر ہیلتھ سنٹرز ،بی ایچ یو اور ڈسپنسریوں میں ادویات ختم

سردیوں کی شدت،رولر ہیلتھ سنٹرز ،بی ایچ یو اور ڈسپنسریوں میں ادویات ختم

12:09 pm

سردیوں کی شدت،رولر ہیلتھ سنٹرز ،بی ایچ یو اور ڈسپنسریوں میں ادویات ختم ادویات ناپید ،ڈاکٹر غیر حاضر، سٹاف کو کون حاضر کرے گا،حکام نوٹس لیں،عوامی حلقے مظفرآباد( سٹاف رپورٹر) مظفرآباد اور اس کے گردونواح میں سردی کی شدت میں اضافہ سے بیشتر آبادی وبائی امراض کا شکار ہوگئی ۔ شیخ زیدہسپتال ،ایمز مظفرآبادسمیت دیہات کے رولر ہیلتھ سنٹرز ،بی ایچ یو اور ڈسپنسریوں میں ادویات ختم ، مریض علاج معالجہ کے لیے ہسپتالوں کا رخ کرتے ہیں نہ ہی انہیں ڈاکٹر ملتا ہے اور نہ ہی ادویات دسیتاب ہیں نرسنگ سٹاف بھی ہسپتالوں سے غائب ہے ۔عوام کا صحت عامہ کی اس صورتحال پر شدید احتجاج ،صحت عامہ کی سہولیات کون فراہم کرے گا۔ ادویات ناپید ،ڈاکٹر غیر حاضر، سٹاف کو کون حاضر کرے گا۔ سیکرٹری صحت عامہ ،ڈی جی صحت عامہ سے نوٹس لینے کا مطالبہ ۔دارالحکومت مظفرآباد سمیت پٹکہ ،گڑھی دوپٹہ ، ڈنہ ،نوسیری ، بھیڑی ،کہوڑی ،لچھراٹ ،سرلی سچہ، پیر چناسی ،دبن ،نجگرتاں ،کومی کوٹ ،کائی منجہ،پلہوٹ، لنگرپورہ سمیت سینکڑوں دیہات میں سردیوں سے عوام متاثر ہوتے ہیں نمونیا،کھانسی،بخا ر ،گلے کی بیماریاں ،الرجی سمیت دیگر بیماریاں پھیل چکی ہیں لوگ علاج کے لئے ہسپتال آتے ہیں علاج معالجہ سے مایوس ہو کر مجبوراً پرائیویٹ کلینکوں پر جاتے ہیں جہاں عطائی ڈاکٹر انہیںدونوں ہاتھوں سے لوٹنا شروع کر دیتے ہیں ۔عوام علاقہ نے نوٹس لینے کا مطالبہ کردیا۔