01:16 pm
محبت رسولؐ کے بغیر ہمارا ایمان نامکمل ہے،منظور حسین

محبت رسولؐ کے بغیر ہمارا ایمان نامکمل ہے،منظور حسین

01:16 pm

محبت رسولؐ کے بغیر ہمارا ایمان نامکمل ہے،منظور حسین نبی اکرمؐ کی ولادت باسعادت کا دن مسلمانوں کے لیے خوشی کا دن ہے کوٹلی ( سٹی رپورٹر)محبت رسولؐ کے بغیر ہمارا ایمان نامکمل ہے نبی اکرمؐ کی ولادت باسعادت کا دن مسلمانوں کے لیے خوشی کا دن ہے آپ صلی اللہ علیہ وسلم کی تشریف آوری نے اندھیروں میں ڈوبے ہوئے عالم کو روشن و منور کیا ۔ ہم اسوہ رسولؐ پر عمل پیرا ہوکر دنیا وآخرت سنوار سکتے ہیں اور یہی تقاضا انسانیت اور مقصد تخلیق بھی ہے ۔ دربار عالیہ بابا سید زمان شاہ بخاری میں جشن میلادالنبیؐ کے سلسلے میں منعقدہ تقریب سے سید منظور حسین شاہ، علامہ یاسر منظور ،سید فیضان علی و دیگر نے خطاب کرتے ہوئے کہا کہ حضور اکرمؐ کی جلوہ گری سے قبل ہر سو جہالت ، تعصب اور درندگی بام عروج تک پہنچ چکی تھی ایسے عالم جب دو جہانوں کے والی کی آمد ہوئی تو نور ہی نور چھا گیا یہ اللہ تعالی نے مومنوں پر احسان عظیم فرمایا کہ ان کے درمیان ایک عظیم الشان رسول مبعوث فرمایا ۔ محفل میلاد مصطفیٰ کا انعقاد کر نا باعث ثواب اور اپنے نبی پاکؐ سے اظہار محبت ہے۔