11:10 am
  آزادکشمیر میں جلد تحریک انصاف کی حکومت قائم ہوگی،الیاس بیگ

آزادکشمیر میں جلد تحریک انصاف کی حکومت قائم ہوگی،الیاس بیگ

11:10 am

آزادکشمیر میں جلد تحریک انصاف کی حکومت قائم ہوگی،الیاس بیگ میرپور کی غیور عوام بیرسٹر سلطان کو ووٹ دے کر اسمبلی میں پہنچا ئے گی مظفرآباد(سٹی رپورٹر)پاکستان تحریک انصاف آزادکشمیر کے مرکزی رہنماء سابق ایڈمنسٹریٹر نیلم سردار الیاس بیگ نے کہاہے کہ آج میر پورکے ضمنی میں قائد کشمیر بیرسٹرسلطان محمود چوہدری بھاری اکثریت سے کامیاب ہوں گے ۔میرپور کے عوام بیرسٹرسلطان کو ووٹ دے کر اسمبلی میں پہنچائینگے ۔آزادکشمیر میں بہت جلد تحریک انصاف کی حکومت قائم ہوگی۔ نیلم میں بارش و برفباری سے عوام کی مشکلات بڑھ گئی ہیں ۔ حکومت فوری طور پر ہنگامی اقدامات اٹھائے ۔ان خیالات کا اظہار گزشتہ روزصحافیوں سے بات چیت کرتے ہوئے کیا ۔ انہوںنے مزید کہاکہ پاکستان میں پی ٹی آئی کی حکومت عمران خان کی قیادت میں کامیابی سے آگے بڑھ رہی ہے ۔ معیشت بہتر ہورہی ہے ۔ پاکستان کے بعد بہت جلد آزادکشمیر میں بھی تحریک انصاف کی حکومت قائم ہوگی ۔ بیرسٹرسلطان کی یہ کامیابی مثبت تبدیلی کی راہ ہموار کرے گی۔ تحریک انصاف کشمیریوں کو ان کے حقوق دلائے گی۔اہل نیلم کی محرومیوں کا ازالہ کیا جائے گا۔ انہوں نے کہاکہ کشمیریوں کی قربانیا ں رنگ لائینگی اور کشمیر بھارتی تسلط سے آزادہوگا۔ مسئلہ کشمیر عمران خان اور بیرسٹرسلطان کی قیادت میں حل ہوگا۔ عالمی برادری مقبوضہ کشمیر سے کرفیواٹھانے کیلئے بھارت پر دبائو ڈالے ۔انہوں نے کہاکہ آزادکشمیر کے عوام کی اکثریت تحریک انصاف کیساتھ ہیں ۔ تبدیلی بہت جلد آنیوالی ہے ۔