عوامی مسائل کےحل کیلئے اقدامات ضروری ہیں،فرہاد علی سربراہان اپنے شعبوں کی کارکردگی بہتر بناتے ہوئے ادارہ کو منافع بخش بنائیں راولاکوٹ (نمائندہ خصوصی)چیئرمین پی ڈی اے سردار فرہاد علی خان نے ادارہ کے جملہ شعبہ جات کے سربراہان کو ہدایت کی کہ وہ اپنے اپنے شعبہ جات کی کارکردگی بہتر بناتے ہوئے ادارہ کو منافع بخش بنانے میں اپنا کردار ادا کریں تاکہ ادارہ کو اپنے پائوں پر کھڑا کرنے کے لیے اقدامات کیے جا سکیں، ان خیالات کا اظہار چیرمین پی ڈی اے سردار فرہاد علی خان نے اپنی زیر صدارت منعقدہ ایک اجلاس کے آخر میں خطاب کرتے ہوئے کیا اجلاس میں شعبہ اسٹیٹ شعبہ تعمیرات ،انتظامیہ، پبلسٹی ،تجاوزات کے علاوہ دیگر شعبہ جات کے سربراہان نے شرکت کی، جملہ شعبہ جات کے سربراہان نے اپنی اپنی کارکردگی ،در پیش مسائل و مشکلات کے حوالہ سے چیئرمین ادارہ ہذا کو آگاہ کیا، سردار فرہاد علی خان نے کہا کہ وہ اپنی اپنی صلاحیتوں کو بروئے کار لاتے ہوئے محنت و لگن سے ادارہ کی کارکردگی کو بہتر بنانے میں بنانے میں اپنا کردار ادا کریں، محدود وسائل کے باوجود ہم نے مل جل کر عوامی مسائل حل کرنے کے لیے اقدامات کرنا ہوں گے۔