11:45 am
عوام نے فیصلہ پی ٹی آئی کے حق میں دیدیا،چوہدری بوستان

عوام نے فیصلہ پی ٹی آئی کے حق میں دیدیا،چوہدری بوستان

11:45 am

عوام نے فیصلہ پی ٹی آئی کے حق میں دیدیا،چوہدری بوستان ضمنی الیکشن میں بیرسٹر سلطان کی یقینی،آج صرف رسمی کاروائی ہو گی کوٹلی(سٹی رپورٹر)میرپور کے ضمنی الیکشن میں عوام نے تحریک انصاف کے حق میں فیصلہ دے دیا ہے ۔اب صرف رسمی کاروائی آج ہو گی اور جیت قائد کشمیر بیرسٹر سلطان محمود چوہدری کی ہو گی ۔اور عوام نوسرباز ٹولے کو عبرت ناک شکست سے دوچار کریں گے ۔ان خیالات کا اظہار سابق ایڈمنسٹریٹر بلدیہ کوٹلی مرکزی رہنما تحریک انصاف آزادکشمیر چوہدری بوستان علی نے میڈیا نمائندگان سے بات چیت کرتے ہوئے کیا ۔انہوں نے کہا کہ مسلم لیگ ن کی حکومت اور وزیراعظم آزادکشمیرراجہ محمدفاروق حیدرخان سمیت وزرا حکومت نے میرپور میں آکر پانی کی طرح پیسہ بہایا اور پاور شو کی اس سے ان کے تیور کچھ ٹھیک نہیں لگ رہے ا گر حکومت نے دھاندلی کرنے کی کوشش کی تو کان کھول کر سن لو کہ تمارے لیے آزادکشمیر کی زمیں تنگ کر دیں گے۔۔انہوں نے کہا کہ میرپور الیکشن عوامی استحصالی ٹولے کی شکست ثابت ہو گا ۔ضمنی انتخابات میں میرپور کی غیور عوام کرپٹ اور دجالی ٹولے سے ہمیشہ کے لئے نجات حاصل کرے گی ۔ 24آج نومبر کا سورج ن لیگ اور اس حواریوں کی بدترین شکست کی نوید لے کر طلوع ہو گا ۔اور عوام ان کو عبرت کا نشان بنا دیں گے۔