12:14 pm
رٹھوعہ ہریام پل کی عدم تکمیل کیخلاف احتجاج کریں گے،سائیں ذوالفقار

رٹھوعہ ہریام پل کی عدم تکمیل کیخلاف احتجاج کریں گے،سائیں ذوالفقار

12:14 pm

رٹھوعہ ہریام پل کی عدم تکمیل کیخلاف احتجاج کریں گے،سائیں ذوالفقار پل کا صرف 165میٹر حصہ مکمل نہ ہونے کے باعث عوام کو32کلو میٹر سفر کرنا پڑتا ہے اسلام گڑھ(نمائندہ اوصاف)رٹھوعہ ہریام پل کی عدم تکمیل کے خلاف عوام میں شدید غم وغصہ جنم لینے لگا۔پل کا صرف 165میٹر حصہ مکمل نہ ہونے کی وجہ سے عوام 32کلو میٹر کا طویل سفر طے کرنے پر مجبور ہو گئے منصوبہ کو 2014میں مکمل ہونا تھا لیکن پل پر کام کرنے والی کمپنی کام ادھورا چھوڑ کر فرار ہو گئی۔سابق امیدوار اسمبلی و مسلم کانفرنس کے مرکزی رہنما سائیں ذوالفقار علی نے پل کی عدم تکمیل کے خلا ف احتجاج کو فیصلہ کر لیا۔عملی جامہ پہنانے کے لیے مشاورت شروع کر دی۔انہوں نے صحافیوں سے گفتگو کرتے ہوئے کہا کہ رٹھوعہ ہریام پل میرپور کے لوگوں کا خواب ہے اس کو پایہ تکمیل تک نہ پہنچا کر میرپور کے لوگوں کے جذبات سے کھیلنے کی کوشش کی جارہی ہے فوری طور پر اگر پل پر کام شروع نہ کیا گیا تو بھرپور احتجاج کریں گے۔ رٹھوعہ ہریام پل کے نامکمل منصوبے نے عوام میں بے چینی پیدا کر رکھی ہے لیکن حکومت اور عوامی نمائندئے مکمل بے حسی کا مظاہرہ کر رہے ہیں پل کے دونوں اطراف دو دو کلو میٹر کی اپروچ روڈز اور پل کا تین کلو میٹر کا حصہ مکمل ہو چکا ہے نہر پر 165میٹر کا حصہ مکمل نہ ہونے کی وجہ سے عوام کو 32کلو میٹر کا طویل سفر طے کر کے میرپور پہنچنا پڑتا ہے اس حوالے سے عوام علاقہ میں سخت بے چینی پائی جاتی ہے ،میرپور کے لوگوں نے پاکستان کی معاشی خوشحالی کے لیے اپنے اباء واجداد کی قبروں کو پانی کی نذر کیا ہے لیکن اس کے بدلے میں ان سے ناروا سلوک کیا جارہا ہے رٹھوعہ ہریام پل کو مکمل نہ کرنا یہاں کے لوگوں کے زخموں پر نمک چھڑکنے کے مترادف ہے پل کے منصوبہ کی عدم تکمیل کے خلاف عوامی مشاورت کا سلسلہ شروع کر رکھا ہے حکومت آزاد کشمیر اور انتظامیہ سے مطالبہ کرتے ہیں کہ وہ فوری طور پر اس منصوبہ کو مکمل کروانے میں اپنا کردار ادا کریں بصورت دیگر شدید احتجاج کا سلسلہ شروع کیا جائے گا جس کی ساری ذمہ داری حکومت پر ہو گی۔ سائیں ذوالفقار