12:56 pm
ٹرائوٹ فش کی افزائش کیلئےجاندار اقدامات اٹھائے جائیں،ناصر ڈار

ٹرائوٹ فش کی افزائش کیلئےجاندار اقدامات اٹھائے جائیں،ناصر ڈار

12:56 pm

ٹرائوٹ فش کی افزائش کیلئےجاندار اقدامات اٹھائے جائیں،ناصر ڈار نیلم جہلم اور پترینڈ ہائیڈرل پراجیکٹ کے ڈیموں سے استفادہ کیا جائے، وزیرفشریز مظفرآباد(سٹاف رپورٹر) آزادکشمیر کے وزیر وائلڈ لائف وفشریز ناصر حسین ڈار نے کہا ہے کہ آزادکشمیر کے اندر فشریز کے شعبہ کی ترقی کے لیے وسیع مواقع اور وسائل موجود ہیں ان دستیاب وسائل سے بھرپور استفادہ کر کے ریاست کی آمدن میں معقول اضافہ کیا جاسکتا ہے۔منگلا ڈیم سے مچھلی کی پیدا وار حکومت کو سالانہ معقول ریونیو مل رہا ہے۔منگلا ڈیم کی طرز پر نیلم جہلم اور پترینڈ ہائیڈرل پراجیکٹ کے ڈیموں سے بھی استفادہ کیا جائے۔آزادکشمیر کے اندر ٹرائوٹ فش کی افزائش کے لیے مزید جاندار اقدامات اٹھائے جائیں۔مچھلی کے غیر قانونی شکار کو روکنے کے لیے محکمہ موثر اقدامات اٹھائے اور ردریائوں میں مچھلی کی افزائش اور مچھلی کے تحفظ کے لیے موثر حکمت عملی اختیار کی جائے۔شکار کے ایسے طریقوں پر پابندی عائد کی جائے جس سے مچھلی کی افزائش نسل متاثر ہو۔ان خیالات کا اظہار انہوں نے محکمہ کی طرف سے دی گئی بریفنگ سے خطاب کرتے ہوئے کیا۔سیکرٹری جنگلات وفشریز سید ظہورالحسن گیلانی اور وزیر حکومت کو فشریز پر تفصیلی بریفنگ دی۔اس موقع پر ناصر ڈار نے کہا کہ پترینڈ پراجیکٹ کے ڈیم سے مچھلی کی افزائش وپیداوار پر 50فیصد حصہ آزادکشمیر کا ہے اس حوالے سے متعلقہ اداروں سے بات چیت کی جائے۔نوسیری ڈیم میں مچھلی کی کمرشل بنیادوں پر افزائش کے لیے اقدامات اٹھائے جائیں تاکہ اس ڈیم سے استفادہ کر کے قومی آمدن میں اضافہ کیا جاسکے۔ناصر حسین ڈار نے محکمہ پر زور دیا کہ وہ فشریز کے شعبہ کی ترقی کے لیے موثر حکمت عملی اختیار کریں اور مقامی سطح پر مچھلی کی پیداوارکے لیے اقدامات اٹھائیں۔مقامی سطح پر جدید طریقہ کار اختیار کرکے نہ صرف مچھلی کی پیدوار میں اضافہ کیا جاسکتا ہے بلکہ مقامی سطح پر روزگار کے بہترین مواقع بھی پیدا کیے جاسکتے ہیں۔نجی سطح پر فش فارمز کے قیام کے لیے زمینداروں سے تعاون کیا جائے۔ حکومت فشریز کے شعبہ کی ترقی کی خواہاں ہے اور اس شعبہ کی ترقی کے لیے تمام تر وسائل مہیا کرے گی۔ ناصر ڈار