اسکی تردید بھی اسی دن آگئی تھی.پاکستان مسلم لیگ کے رہنما خواجہ آصف ا ور احسن اقبال نے اس بیان کو وزیراعظم سے منسوب کیا،بلکہ مریم نواز نے تو اس بیان کو ٹویٹر پر اپنی پروفائل پکچر کی زینت ہی بناڈالا۔جس پر صارفین نے سخت تنقید بھی کی تھی اور کہا تھا کہ مریم نواز مسئلہ کشمیر پر پاکستان کا ساتھ دے رہی ہیں یا پھر ایسی باتیں کر کے انڈیا کو باتیں بنانے کا موقع دے رہی ہیں۔مسئلہ کشمیر پر مریم نواز کی وزیراعظم عمران خان پر الزام تراشی کی خبر انڈین میڈیا کی زینت بن گئی ہے۔بھارت کے سب بڑے اخبار انڈیا ٹوڈے نے اپنی رپورٹ میں کہا ہے کہ انڈیا کے آڑٹیکل 370 کے خاتمے کے بعد مریم نواز نے وزیراعظم عمران خان پر سخت تنقید کی ہے۔انڈیا میڈیا نے مریم نواز کے تمام ٹویٹس کا بھی حوالہ دیا ہے۔ خیال رہے کشمیر کے موجودہ کشیدہ اور تشویش ناک حالات کے باوجود ملک کی سیاسی قیادت نے متحد ہونے سے انکار کر دیا تھا۔ موجودہ حالات کے پیش نظر کل پارلیمنٹ کا مشترکہ اجلاس طلب کیا گیا تھا۔ حکومت نے اس موقع پر اپوزیشن کے ساتھ مل کر بھارت کو ایک واضح پیغام دینے کا فیصلہ کیا اور اس مقصد کیلئے تمام گرفتار اپوزیشن رہنماوں کے پروڈکشن آرڈر بھی جاری کر دیے ۔تاہم دوسری جانب مریم نواز نے ان کشیدہ حالات میں بھی حکومت کا ساتھ دینے سے انکار کردیا تھا۔مریم نواز نے ٹوئٹر پر جاری کیے گئے پیغام میں اس بحران کا ذمے دار موجودہ حکومت کو قرار دیتے ہوئے اپوزیشن جماعتوں سے مطالبہ کیا ہے کہ وہ اس معاملے پر حکومت کا بالکل ساتھ مت دیں۔ جبکہ مریم نواز نے اس حساس صورتحال میں بھی حکومت کو جھوٹی خبروں کے سہارے نشانہ بنانے کی کوشش کی ہے۔مریم نواز نے وزیراعظم سے منسوب ایک جھوٹی خبر کو ناصرف ٹوئٹ کیا بلکہ اسے اپنی پروفائل کی تصویر کے طور پر بھی لگا لیا۔ وزیراعظم سے منسوب اس خبر کے مطابق انہوں نے کشمیر کو 3 حصوں میں تقسیم کرنے کی تجویز دی، تاہم بعد ازاں تحریک انصاف نے اس خبر کی واضح تردید کر دی تھی اور اسے جھوٹا قرار دیا تھا۔