09:09 am
برطانیہ سے آئی خاتون سیاح فیری میڈوز میں بے ہوش ،جہانگیر ترین مدد کیلئے پہنچ گئے

برطانیہ سے آئی خاتون سیاح فیری میڈوز میں بے ہوش ،جہانگیر ترین مدد کیلئے پہنچ گئے

09:09 am


اسلام آباد (مانیٹرنگ ڈیسک)پاکستان کے شمالی علاقہ جات میں ہر سال سیاحوں کو رش رہتا ہے ، دنیا کے مختلف ممالک سے سیاح پاکستان آتے اور پاکستان کی ہریالی اور خوبصورتی سے محظوظ ہوتے ہیں۔ حال ہی میں سوشل میڈیا پر ایک ویڈیو وائرل ہوئی جس میں جہانگیر ترین اور برطانیہ سے آئی ہوئی خاتون سیاح کو دیکھا گیا ۔
سوشل میڈیا پر چلنے والی خبروں کے مطابق برطانوی خاتون سیاح تفریح کی غرض سے فیری میڈوز میں موجود تھی جہاں اُس کی طبیعت خراب ہوئی اور وہ بے ہوش ہو گئی۔ایسے میں جہانگیر ترین جو گلگت کے دورے پر تھے، وہ بھی سیر کی غرض سے فیری میڈوز میں موجود تھے۔ انہوں نے برطانوی سیاح کو دیکھا تو اپنے ذاتی ہیلی کاپٹر میں خاتون سیاح کو فوراً گلگت ائیرپورٹ پہنچا دیا جہاں سے انہیں اسپتال لے جایا گیا۔ برطانوی خاتون نے مدد کرنے سے جہانگیر ترین کا شکریہ بھی ادا کیا۔ اس ویڈیو کو سوشل میڈیا پر کافی مقبولیت حاصل ہو رہی ہے۔