10:36 am
‘ریحام خان کا فضل الرحمن سے رابطہ ،آزادی مارچ کی بھرپور حمایت کا اعلان کردیا

‘ریحام خان کا فضل الرحمن سے رابطہ ،آزادی مارچ کی بھرپور حمایت کا اعلان کردیا

10:36 am

اسلام آباد(نیوز ڈیسک)وزیراعظم عمران خان کی دوسری سابقہ اہلیہ ریحام خان نے جمعیت علمائے اسلام (ف) کے سربراہ مولانا فضل الرحمان سے رابطہ کیا۔ تفصیلات کے مطابق ریحام خان نے مولانا فضل الرحمان سے رابطہ کیا جس میں انہوں نے مولانا کے آزادی مارچ کی بھرپور حمایت کا اعلان کر دیا۔ ریحام خان نے مولانا فضل الرحمان کو مارچ کے سلسلے میں ویڈیو کا بھی بتایا اور کہا کہ مارچ کے حوالے سے ایک ویڈیو پیغام آپ کو بھجوایا ہے جلد آپ کو مل جائے گا۔خیال رہےکہ جمیعت علمائے اسلام (ف) کے سربراہ مولانا فضل الرحمان نے اسلام آباد کی جانب مارچ کا اعلان کر رکھا ہے جس کی حتمی تاریخ کا اعلان تاحال نہیں کیا گیا۔
مولانا فضل الرحمان اسلام آباد مارچ میں شرکت کے لیے اپوزیشن جماعتوں بالخصوص مسلم لیگ ن اور پاکستان پیپلز پارٹی کو دعوت دے رہے ہیں لیکن ان دونوں جماعتوں کی جانب سے تاحال مولانا فضل الرحمان کے مارچ میں شرکت کرنے کے حوالے سے کوئی بیان نہیں دیا گیا۔جبکہ دوسری جانب مولانا کے اسلام آباد مارچ کو سکیورٹی تھریٹ بھی قرار دیا جا رہا ہے۔ ذرائع کے مطابق جمعیت علمائے اسلام (ف) کا مارچ کا پلان اسلام آباد کے لیے سیکورٹی تھریٹ ثابت ہوسکتا ہے ۔ مارچ کی آڑ میں شر پسند عناصر گڑ بڑ پھیلا سکتے ہیں ۔ ذرائع کے مطابق جماعت کے بعض افراد کے ایسے گروپوں کے رابطے ہیں جو سابق فاٹا اور کے پی میں شدت پسند کارروائیوں میں ملوث رہے ، ایسے عناصر مارچ میں شامل ہوکر گڑ بڑ پھیلا سکتے ہیں، انہوں نے مارچ پلان سے متعلق ایک اور انفارمیشن دیتے ہوئے واضح کیا کہ مسلم لیگ ن کی اعلٰی قیادت نے پارٹی کے فنڈنگ گروپوں کو ہدایت کی کہ وہ جے یو آئی کے اس مارچ کو لمبے عرصے تک چلانے کے لیے رقوم کا بندوبست کریں، ن لیگ کے فنڈنگ گروپ اعلٰی قیادت کی ہدایت ملنے کے بعد متحرک ہو چکے ہیں۔