05:56 pm
مخالفین کو عمران خان کے ہاتھ اور ماتھا چومنا چاہیئے

مخالفین کو عمران خان کے ہاتھ اور ماتھا چومنا چاہیئے

05:56 pm

اسلام آباد (نیوز ڈیسک) معاون خصوصی برائے اطلاعات فردوس عاشق اعوان نے کہا ہے کہ مخالفین کا چورن اب کسی دکان پر نہیں بکنے والا، کچھ لوگوں نے ناموس رسالتﷺ کے نام پرسیاسی دکان چمکانے کی کوشش کی، لیکن وزیراعظم نے قوم کی ترجمانی کا حق ادا کردیا، مخالفین کو وزیراعظم کے ہاتھ اور ماتھا چومنا چاہیے۔ آج یہاں اسلام آباد ایئرپورٹ پر میڈیا سے گفتگو میں معاون خصوصی فردوس عاشق اعوان نے کہا کہ پوری قوم نے یکجا
ہوکر وزیراعظم کا استقبال کیا۔آزادی مارچ کو کشمیر کےعوام کی آزادی سے جوڑا جائے۔ عمران خان پسے ہوئے کشمیری مسلمانوں کی آواز بنے۔ فردوس عاشق اعوان نے کہا کہ کچھ لوگوں نے ناموس رسالتﷺ کے نام پرسیاسی دکان چمکانے کی کوشش کی۔ لیکن وزیراعظم نے قوم کی ترجمانی کا حق ادا کردیا ہے۔انہوں نے کہا کہ اب مخالفین کا چورن کسی دکان پربکنے والا نہیں۔ مخالفین کو چاہیے وزیراعظم عمران خان کے ہاتھ اور ماتھا چومے، جس طرح وزیراعظم نے دنیا کے سامنے کشمیر کا مقدمہ پیش کیا۔انہوں نے مخالفین کو چاہیے کچھ وقت کیلئے کشمیر کے ایشو پر اپنی سیاسی دکانداری چھوڑ کر ہمارے ساتھ کھڑے ہوجائیں۔ واضح رہے وزیراعظم عمران خان دورہ امریکا کے بعد وطن واپس پہنچ گئے ہیں۔ وزیراعظم عمران خان اقوام متحدہ کی جنرل اسمبلی کے اجلاس میں شرکت اور خطاب کیلئے امریکا گئے تھے۔ عمران خان نے جنرل اسمبلی میں جارحانہ خطاب کیا اور کشمیریوں کو مقدمہ دنیا بھر کے سامنے پیش کیا۔ وزیراعظم عمران خان کا آج اسلام آباد ایئرپورٹ کارکنان نے زبردست استقبال کیا۔ پھولوں کی پتیاں نچھاور کیں اور نعرے بازی کی۔ اس دوران ائرپورٹ کی فضائیں ’’کون بچائے گا پاکستان، عمران خان عمران خان‘‘، ’’کشمیر بنے گا پاکستان‘‘ کے نعروں سے گونجتی رہیں۔

تازہ ترین خبریں