12:53 pm
لاکھوں لوگ اپنی نوکریاں کھوچکے، مہنگائی مسلسل بڑھ رہی ہے

لاکھوں لوگ اپنی نوکریاں کھوچکے، مہنگائی مسلسل بڑھ رہی ہے

12:53 pm

اسلام آباد(نیوز ڈیسک) بختاور بھٹو زرداری نے کہا ہے کہ عمران خان حکومت ہر شعبے میں ناکام ہو چکی ہے، کامیابی کا جشن ان کے تنخواہ دار یا انٹرنیٹ کی جونکیں منا رہی ہیں۔اپنے ٹویٹ میں بختاور بھٹو زرداری کا کہنا تھا کہ جی ڈی پی گروتھ پانچ اعشاریہ آٹھ سے دو اعشاریہ آٹھ تک گر چکی ہے۔
پی ٹی آئی حکومت میں لوگ بھوک سے مر رہے ہیں۔بختاور بھٹو زرداری نے کہا کہ اشیا ضروریہ کی قیمتیں مسلسل بڑھ رہی ہیں۔ پی ٹی آئی کی حکومت میں لاکھوں لوگ اپنی نوکریاں کھو چکے ہیں۔ خیبر پختونخوا مکمل طور پر تباہ ہو چکا ہے۔ صوبے کے ہسپتال کی حالت زار سے ڈاکٹروں کی ہسپتال داخل ہونے تک ہر طرف تباہی ہے۔دوسری جانب پاکستان پیپلزپارٹی اور مسلم لیگ (ن) نے جمعیت علمائے اسلام (ف) کے آزادی مارچ میں شرکت پر رضامندی ظاہر کردی۔ ن لیگ کے صدر شہباز شریف اور پی پی چیئرمین بلاول بھٹو زرداری کی ملاقات ہوئی جس میں ملکی سیاسی صورتحال اور مولانا فضل الرحمان کے آزادی مارچ پر گفتگو کی گئی۔ ملاقات میں دونوں جماعتوں کے رہنما بھی شریک تھے جن میں راجہ ظفرالحق، رضا ربانی، احسن اقبال، فرحت اللہ بابر سمیت دیگر شامل ہیں۔ ذرائع کے مطابق شہباز شریف اور بلاول بھٹو کی ملاقات میں آل پارٹیز کانفرس بلانے پر اتفاق کیا گیا، دونوں رہنماؤں نے سربراہ جمعیت علمائے اسلام (ف) مولانا فضل الرحمان کے پاس جانے کا فیصلہ کیا۔