03:18 pm
”روہڑی سے لاس اینجلس جانے والی ٹرین‘ ‘ کے حوالے سے شیخ رشید کی وضاحت

”روہڑی سے لاس اینجلس جانے والی ٹرین‘ ‘ کے حوالے سے شیخ رشید کی وضاحت

03:18 pm

اسلام آباد ’لاس اینجلس جانے والی ٹرین‘ کے حوالے سے وفاقی وزیر نے وضاحت کرتے ہوئے ریلوے حکام کی غلطی تسلیم کرنے کی بجائے بات مذاق میں اُڑا دی۔ شیخ رشید نے ایک صحافی کے جواب میں کہا کہ یہ مپیوٹرائزڈ ٹرین تھی، لوگ شرارت کرتے ہیں، اللہ چاہے تو ہم لاس اینجلس بھی جا سکتے ہیں۔ وفاقی وزیر ریلوے شیخ رشید کا کہنا تھا کہ لوگوں کی ریل سے محبت ہے کہ خشکی پر چلنے والی ٹرین کو برف پر دکھارہے ہیں۔واضح رہے کہ گزشتہ روز ایک شخص کی جانب سے ایک ویڈیو وائرل ہوئی تھی۔ کراچی سے لاس اینجلس صرف 1800 روپے میں اور وہ بھی بغیر ویزے کے پاکستان ریلوے کی لاجواب پیشکش پر مسافرحیرت زدہ رہ گئے، روہڑی اسٹیشن پر کھڑی عوام ایکسپریس کی لاس اینجلس روانگی پر لوگوں نے دوڑیں لگا دیں۔
 
واضح رہے کہ گزشتہ کچھ عرصے سے پاکستان ریلوے کی ٹرینوں کیلئے ایسے پسنجر ڈبوں کا استعمال کیا جا رہا ہے جن کے باہر ایک ڈیجیٹل ڈسپلے اسکرین نصب ہوتی ہے۔عمومی طور پر اس ڈسپلے اسکرین پر ٹرین کے مقام آغاز سفر اور منزل والے شہر کے نام درج ہوتے ہیں۔تاہم روہڑی پر کھڑی پاکستان ریلوے کی ایک ٹرین کے ڈبے کی ڈسپلے پر کچھ ایسا لکھا تھا جو مسافروں کیلئے تفریح کا باعث، جبکہ پاکستان ریلوے کیلئے شرمندگی کا باعث بن گیا۔ ٹرین کے ڈبے کی ڈسپلے پر درج تھا کہ ٹرین کی منزل امریکی شہر لاس اینجلس ہے۔ بس یہ دیکھنا تھا کہ مسافروں نے تصاویر اور ویڈیوز بنانا شروع کر دیں اور پاکستان ریلوے انتظامیہ کی خوب کلاس لی۔

تازہ ترین خبریں