04:28 pm
 ہماری پارٹی مولانا فضل الرحمان کے ساتھ اور  ان کے دھرنا کی حمائت کرتی ہے،رانا تنویر حسین

ہماری پارٹی مولانا فضل الرحمان کے ساتھ اور ان کے دھرنا کی حمائت کرتی ہے،رانا تنویر حسین

04:28 pm

مریدکے(آن لائن) نامزد چیئر مین پبلک اکاؤنٹس کمیٹی اور مسلم لیگ ن کے سینئر مرکزی رہنمارانا تنویر حسین نے کہا ہے کہ ہماری پارٹی مولانا فضل الرحمان کے ساتھ ہے اور ان کے دھرنا کی حمائت کرتی ہے تاہم دھرنے کی تاریخ پر معمولی اختلاف ابھی باقی ہے۔ میاں نواز شریف اپنے اصولی مؤقف پر قائم ہیں اور ووٹ کی عزت کے لیے جیل کو ترجیح دے رہے ہیں۔ رانا فارم ہاؤس پر ہفتہ وار عوامی اجلاس کے بعدسابق ایم این اے رانا افضال حسین، سابق ایم پی اے چودھری حسان ریاض،
کوارڈی نیٹر ملک ندیم چوہان، سید اعجاز الحسن شیرازی، سابق چیئر مین رانا حسیب اور مسلم لیگ یوتھ ونگ کے صدر سید ابرار گیلانی، آغا کرامت علی شہزاد کے ہمراہ میڈیا سے گفتگو کرتے ہوئے سابق وفاقی وزیر نے کہا کہ حکومت کی خارجہ پالیسی نے کشمیر پر پاکستانی موقف کو کمزور کیا ہے۔ بھارتی وزیر خارجہ نے امریکہ کے45دورے کئے ہیں جبکہ ہمارے وزیر خارجہ صرف ٹویٹ خارجہ پالیسی کو فروغ دے کر بغلیں بجا رہے ہیں۔ عمران خان کی تقریرکے حوالے سے ایک سوال کے جواب میں رانا تنویر حسین نے کہا ہے کہ اگر تقریری مقابلہ تک بات محدود رہے تو وزیر اعظم ایوارڈ کے مستحق ہیں تاہم عملی طور پر اس کا کوئی فائدہ نہیں ہوا۔ نیازی صاحب نے جب بھی ٹرمپ کے ساتھ ملاقات کی بھارت نے کشمیر پر مزید ظلم بڑھا دیاجو ظاہر کرتا ہے کے ہمراہ حکمران خود کشمیر بھارت کے حوالے کر رہے ہیں۔ مولانا فضل الرحمان کے دھرنا کے حوالے سے انہوںنے کہا کہ دھرنا سیاست کی بنیاد رکھنے والی سیاسی جماعت آج دھرنے کو ملک دشمنی قرار دے رہی ہے، نااہل حکومتی ٹیم نے ملکی معیشت کو تباہی کے دھانے پر لا کھڑا کیا ہے اور عوامی دو وقت کی روٹی کو بھی ترس رہے ہیں۔ انہوںنے مزید کہا کہ انصاف اور سرکاری اداروں میں سیاسی مداخلت ختم کرنے کے دعوے کرنے والی پاکستان تحریک انصاف نے تعلیمی اور سرکاری اداروں کو سیاسی اکھاڑا بنا رکھا ہے جبکہ پولیس اور انتظامیہ کو اپنے اراکین کی باندھی بنا کر رکھ دیا گیا ہے۔ رانا تنویر حسین نے کہا کہ مسلم لیگ (ن) عوامی حقوق کے تحفظ کے لیے حکومت کے ہر جبر کا مقابلہ کرے گی۔

تازہ ترین خبریں