06:44 am
مریم نواز کے فون کا ڈیٹا’ ریکور‘کر لیا گیا

مریم نواز کے فون کا ڈیٹا’ ریکور‘کر لیا گیا

06:44 am

لاہور (نیوزڈیسک)  سینئیر صحافی و تجزیہ کار صابر شاکر نے کوٹ لکھپت جیل میں سابق وزیراعظم نواز شریف کی صاحبزادی مریم نواز سے فون برآمد ہونے کے پیچھے کی اصل کہانی بیان کر دی۔ انہوں نے بتایا کہ کچھ ٹیلی فون نمبرز آبزرویشن میں تھے۔ کچھ پُر اسرار قسم کی کالز گئیں جس میں ایک خاتون بات کر رہی تھیں اور کوئی پیغام پہنچا رہی تھیں۔
اُس کو بھی چیک کیا گیا۔ جس پر معلوم ہوا کہ جو کالر ہے وہ نیب ہیڈ کوارٹر لاہور میں ہے،
وہاں چیک کیا تو معلوم ہوا کہ یہ فون تو مریم بی بی کے استعمال میں ہے۔ وہاں ٹیم گئی تو انہوں نے فون ریکور کر لیا۔ فون ریکور کرنے کے بعد اُس کا ڈیٹا بھی ریکور کر لیا جس کے بعد پتہ چلا کہ مریم بی بی تو فون پر براہ راست واٹس ایپ اور دوسرے چینلز کے ذریعے نواز شریف کے ساتھ رابطے میں ہیں۔کوٹ لکھپت میں میاں صاحب کے پاس سے بھی ایک فون برآمد کیا گیا ، اُس فون کا ڈیٹا ریکور کرنے پر کافی ہوشربا انکشافات سامنے آئے۔ اس فون سے ریکور ہونے والے ڈیٹا کے مطابق سابق وزیراعظم نواز شریف بیرون ملک بھی کچھ لوگوں سے رابطے میں تھے۔ بیرون ملک کچھ سفارتکاروں کو بھی پیغامات بھیجے گئے تھے۔ وہ بھی ٹریس ہو گئے۔ یہ ایک نئی کہانی ہے جو آہستہ آہستہ کُھل کر سامنے آ رہی ہے۔صابر شاکر نےکہا کہ ایک طرف ڈیل کی باتیں گردش کر رہی ہیں، دوسری جانب دھرنے کی منصوبہ بندی کی جا رہی ہے اور تیسری طرف مختلف معاملات چل رہے ہیں۔ صابر شاکر نے مزید کیا کہا آپ بھی دیکھیں
:
صابر شاکر کی جانب سے یہ کہانی سامنے آنے پر سوشل میڈیا پر صارفین نے رد عمل دیتے ہوئے کہا کہ نواز شریف اور ان کی صاحبزادی مریم نواز کے پاس آخر موبائل فونز کیسے پہنچے اس بات کی تحقیقات ہونی چاہئیے۔

تازہ ترین خبریں