03:28 pm
سینئر صحافی ہارون الرشید نے وزیر اعظم کو پیشگی آگاہ کر دیا

سینئر صحافی ہارون الرشید نے وزیر اعظم کو پیشگی آگاہ کر دیا

03:28 pm

اسلام آباد (نیوز ڈیسک) سینئر صحافی وتجزیہ کار ہارون الرشید نے نجی ٹی وی چینل کے پروگرام میں بات کرتے ہوئے کہا کہ میرے پاس ایک خبر ہےجلد کہ اُس کی تصدیق ہو جائے گی۔ خبر تحریری طور پر کوئی تحریر تو نہیں ہے لیکن وقت اِس کو درست ثابت کرے گا۔ انہوں نے کہا کہ شاہ محمود قریشی وزیراعظم بننے کے لیے اندرون و بیرون ملک لابنگ کر رہے ہیں۔اور بیرون ملک لابنگ کا جن کو پتہ چل سکتا تھا اُنہیں اِس کا پتہ چل گیا ہے جس کے بعد اب شاہ محمود قریشی کا وزیراعظم بننا تو بہت مشکل ہے لیکن اِس سے صورتحال کا اندازہ لگایا جا سکتا ہے۔ میں ایک بات پھر دہرا دیتا ہوں کہ مولانا فضل الرحمان کچی اور گیلی زمین پر پاؤں نہیں رکھتے
۔ہارون الرشید کا یہ ویڈیو کلپ سوشل میڈیا پر وائرل ہو گیا ہے جس کے بعد مولانا فضل الرحمان کے دھرنے کو لے کر نئی قیاس آرائیاں اور چہ مگوئیاں ہو رہی ہیں۔کچھ مبصرین کے مطابق ہارون الرشید کے اس بیان کو دیکھ کر ایسا لگتا ہے کہ جمیعت علمائے اسلام (ف) کے آزادی مارچ اور دھرنے سے حکومت متزلزل ہونے والی ہے اور حکومت کے اندر پیدا ہونے والی اس بے چینی کے پیچھے کسی حکومتی رکن کا ہی ہاتھ ہو گا ۔ مبصرین کا کہنا ہے کہ مولانا فضل الرحمان نے مسلم لیگ ن اور پاکستان پیپلز پارٹی کی جانب سے دھرنے میں شرکت کی یقین دہانی نہ کروائے جانے کے باوجود بھی سولو فلائٹ لی اور 27 اکتوبر کو آزادی مارچ کا اعلان کر دیا ، ان کے اس قدر پُر اعتماد انداز کے پیچھے ضرور کوئی نی کوئی بات ہے جو فی الوقت راز ہے لیکن ممکنہ طور پر وقت آنے پر اس راز سے پردہ اُٹھ جائے گا۔

تازہ ترین خبریں