05:29 pm
 مودی نے بھارت کا چہرہ پوری دنیا میں بدل کر رکھ دیا ہے،وزیر اعظم

مودی نے بھارت کا چہرہ پوری دنیا میں بدل کر رکھ دیا ہے،وزیر اعظم

05:29 pm

اسلام آباد ( آن لائن ) وزیراعظم عمران خان نے  کہا ہے کہ پاکستان اور بھارت ایٹمی طاقت ہیں۔ معاملات خراب ہوئے تو پوری دنیا کے لئے پریشانی ہو گی۔ معاملات پرامن طریقے سے حل کرنے کا خواہاں تھا لیکن بھارت کی جانب سے انسانی حقوق کی خلاف ورزیوں کے خاتمے تک نریندر مودی سے بات نہیں ہو گی۔ تفصیلات کے مطابق منگل کے روز وزیراعظم عمران خان سے امریکی سینیٹرز کے وفد نے ملاقات کی ہے۔ وزیراعظم نے مسئلہ کشمیر پر تعاون کرنے پر سینیٹرز کا شکریہ ادا کرتے ہوئے کہا ہے کہ مودی نے بھارت کا چہرہ پوری دنیا میں بدل کر رکھ دیا ہے۔
انہوں نے کہا کہ دونوں ممالک ایٹمی طاقت ہیں خطرناک نتائج برآمد ہو سکتے ہیں۔ معاملات خراب ہوئے تو دنیا کے لئے پریشانی ہو گی۔ انہوں نے کہا کہ میں تو معاملات پرامن طریقے سے حل کرنا چاہتا تھا لیکن بھارت کی جانب سے انسانی حقوق کی خلاف ورزیوں کے خاتمے تک نریندر مودی سے بات چیت نہیں کی جا سکتی۔ وزیراعظم عمران خان نے کہا کہ طالبان افغانستان میں امن چاہتے ہیں جبکہ امریکہ بھی چاہتا ہے کہ افغانستان میں امن ہو۔ افغان امن عمل پر مرحلہ وار بات چیت ہونی چاہئے۔ امریکی سینیٹرز نے کہا کہ کشمیر اور افغان عمل آگے بڑھانے پر زور دیں گے۔ #/s#

تازہ ترین خبریں