01:44 pm
مولانا فضل الرحمان کے دھرنے سے قبل اسلام آباد میں حکومت کیخلاف ایک اور دھرنا ،

مولانا فضل الرحمان کے دھرنے سے قبل اسلام آباد میں حکومت کیخلاف ایک اور دھرنا ،

01:44 pm

اسلام آباد (مانیٹرنگ ڈیسک) حکومت کی معاشی پالیسیوں کے خلاف اسلام آباد میں تاجروں نے سرینا چوک پر دھرنا دے دیا۔ اسلام آباد میں ہونے والی احتجاجی ریلی کے باعث کشمیر ہائی وے اور ایمبیسی روڈ کا راستہ بند کردیا گیا ہے۔ ریلی کے دوران تاجروں نے سرینا چوک پر لگی خاردار تاریں پھلانگنے اور ریڈ زون میں داخلے کی کوشش کی۔ اس موقع پر پولیس اور مظاہرین آمنے سامنے آگئے، پولیس نے تاجروں پر لاٹھی چارج کیا تو تاجروں نے جواباً پتھراؤ کیا۔
تصادم کے بعد پولیس کی مزید نفری طلب کرلی گئی، جس کے بعد تاجروں نے سرینا چوک پر ہی دھرنا دے دیا۔ صورتحال کو کنٹرول کرنے کے لیےممبر ایف بی آر حامد عتیق تاجر رہنماؤں سے مذاکرات کے لیے پہنچ گئے۔

تازہ ترین خبریں