03:50 pm
افغان سفیر نے پشاور میں افغانستان کا جھنڈا لہرا دیا

افغان سفیر نے پشاور میں افغانستان کا جھنڈا لہرا دیا

03:50 pm

پشاور(مانیٹرنگ ڈیسک) افغان سفیر حدیں پھلانگنے لگ گئے۔ پشاور میں واقع مارکیٹ میں افغانستان کا جھنڈا لہرا تے ہوئےاس کی ملکیت کا دعویٰ کر دیا ۔اس بارے میں ایک ویڈیو بھی سوشل میڈیا پر گردش کرتی ہوئی دکھائی دے رہی ہے۔ سماجی رابطوں کی ویب سائٹ ٹوئٹرپر افغان سفیر شکر اللہ عاطف کو پشاور کی افغان مارکیٹ میں ایک جھنڈا لہراتے ہوئے دیکھا جا سکتا ہے۔ اس وقت بھی یہ پرچم پاکستان کی سرزمین پر نصب ہے جو کہ آئینِ پاکستان کی خلاف ورزی ہے۔
شہریوں نے اس کے خلاف احتجاج کیا ہے کہ پاکستان کی سرزمین پر افغان سفیر کیسے افغانستان کا پرچم لہرا سکتا ہے۔ قانون کے مطابق کسی اور ملک کا پرچم صرف سفارت خانے پہ لہرایا جا سکتا ہے اس کے علاوہ کسی عمارت پر کسی دوسرے ملک کا پرچم نہیں لہرایا جا سکتا۔پاکستانی سوشل میڈیا صارفین اس افغان سفیر کی اس حرکت پرشدید غم و غصے میں ہیں اور انھیں اپنی حد میں رہنے کا مشورہ دے رہے ہیں۔

تازہ ترین خبریں