06:04 pm
سماجی بہبود کے کاموں کا مذاق اڑانا نون لیگ کا پرانا وطیرہ ہے، احمد جواد

سماجی بہبود کے کاموں کا مذاق اڑانا نون لیگ کا پرانا وطیرہ ہے، احمد جواد

06:04 pm

اسلام آباد ( آن لائن) پاکستان تحریک انصاف کے مرکزی سیکرٹری اطلاعات احمد جواد کا کہنا ہے کہ سماجی بہبود کے کاموں کا مذاق اڑانا نون لیگ کا پرانا وطیرہ ہے۔ بے شرموں کے اس ٹولے نے شوکت خانم جیسے ادارے کو معاف نہیں کیا لنگر خانے انکے شر سے کیسے بچیں گے، کروڑوں لوگوں کا رزق اپنی تجوریوں میں بھرنے والا بے رحم ٹولہ "لنگر" کے اجراء� پر سیخ پا ہورہا ہے۔ ان خیالات کا اظہار انہوں نے مسلم لیگ نواز کی رہنما مریم اورنگزیب کے بیان پر اپنے ردعمل میں کیا۔ مرکزی میڈیا ڈیپارٹمنٹ کی جانب سے جاری تفصیلات کیمطابق تحریک انصاف کے مرکزی سیکرٹری اطلاعات کا کہنا تھا کہ نو لیگ کے اخلاقی دیوالیہ پن کا عالم یہ ہے کہ یہ جماعت غریب شہریوں کو دووقت کا کھانا ملتے ہوئے نہیں دیکھ سکتی۔ اپنے بیان میں مریم اورنگزیب کو مخاطب کرتے ہوئے انہوں نے کہا
کہ بی بی جن کروڑوں لوگوں کو آپ کے قائد نے دو وقت کی روٹی سے محروم کیا تحریک انصاف کی حکومت وزیراعظم عمران خان کی قیادت میں انہیں کھانا دے رہے ہیں۔ ان کا مزید کہنا تھا کہ نون لیگ نے اپنے دور حکومت میں عوام سے روزگار چھیننے اور اربوں چوری کرنے کی بجائے مرغیاں اور انڈے ہی تقسیم کئے ہوتے تو پاکستان کی حالت بہتر ہوتی۔ انہوں نے زور دیکر کہا کہ پیلی ٹیکسیوں سے سستے تندوروں تک نون لیگ نے آل شریف کی قیادت میں ہر قدم غریب کو اپنے پاؤں پر کھڑا کرنے کیلئے نہیں بلکہ اپنی جیبیں گرم کرنے کیلئے اٹھایا۔ احمد جواد کیمطابق آج جب ریاست ایک شفیق ماں کیطرح رحم اور احساس کے جذبات سے سرشار ہوکر اپنے نچلے طبقے کیلئے اقدامات اٹھارہی ہے تو نون لیگی رہنما سیخ پا ہورہے ہیں۔ مسلم لیگ کی رہنما کو مخاطب کرتے ہوئے انہوں نے کہا کہ مریم بی بی نواز شریف کیطرح وزیراعظم کا باہر جائیدادیں بنانے اور لوٹ مار کرکے اولاد کی تجوریاں بھرنے کا کوئی ایجنڈا نہیں اور پاکستان سے غربت کا خاتمہ اور غریب عوام کی سرپرستی وزیراعظم کا کلیدی ہدف ہے جسے حاصل کرکے رہیں گے ۔

تازہ ترین خبریں