03:23 pm
شہباز شریف کی دھرنے میں شرکت سے انکار کی اصل وجہ سامنے آگئی

شہباز شریف کی دھرنے میں شرکت سے انکار کی اصل وجہ سامنے آگئی

03:23 pm

لاہور (مانیٹرنگ ڈیسک) شہبازشریف کے فضل الرحمان کے دھرنے میں شرکت سے انکار کی ایک اور وجہ سامنے آگئی۔ ذرائع نے بتایا کہ مسلم لیگ (ن) کی پارلیمانی پارٹی کے اجلاس کے دوران شہبازشریف کافی ناراض دکھائی دیے اور انھوں نے برملا کہا کہ انھوں نے پارٹی کے اہم رہنمائوں کے سامنے اپنے بھائی سے درخواست کی کہ وہ فضل الرحمان کے دھرنے میں پارٹی کی شرکت پر زیادہ اصرار مت کریں۔ذرائع نے دعویٰ کیا ہے کہ شہبازشریف دو وجوہات کی بناپر اسلام آباد لاک ڈائون پروگرام کے حامی نہیں ہیں۔ پہلی اور اہم وجہ یہ ہے کہ شہبازشریف اسٹیبلشمنٹ سے اپنے تعلقات خراب نہیں کرنا چاہتے ۔ وہ پہلے ہی یہ سمجھتے ہیں
کہ تصادم اور محاذ آرائی کی سیاست نے پارٹی کو گزشتہ دو تین سالوں میں شدید نقصان پہنچایا ہے اور پھر فضل الرحمان کا دھرنا جلتی پر تیل کا کام کرے گا۔ دوسری بنیادی وجہ ہے کہ قومی اسمبلی میں صرف دس سیٹوں پر الیکشن لڑنے والی جے یو آئی کے سربراہ فضل الرحمان اسلام آباد دھرنے میں مسلم لیگ (ن)اورپیپلزپارٹی جیسی ملک کی بڑی جماعتوں کا کندھا استعمال کرکے سیاسی فوائد بٹورنا چاہتے ہیں جو کہ مناسب نہیں ہے۔ مسلم لیگ (ن)اگر حکومت کی معاشی پالیسیوں کو بنیاد بنا کر احتجاج کرنا ہی چاہتی ہے تو وہ اپنا الگ پلیٹ فارم استعمال کرے۔