04:51 pm
مولانا بلاول اور نوازشریف کے سامنے ناموس رسالت کی بات نہیں کرتے، قاری زاور بہادر

مولانا بلاول اور نوازشریف کے سامنے ناموس رسالت کی بات نہیں کرتے، قاری زاور بہادر

04:51 pm

اسلام آباد (مانیٹرنگ ڈیسک) اسلامی جمعیت طلبا پاکستان کے سربراہ قاری محمد زاور بہادرکہتے ہیں کہ مولانا فضل الرحمان نے اپنے دھرنے کی رسیدوں پر تحفظ ناموس رسالت پر لکھا ہو اہے۔جبکہ وہ بلاول اور نوازشریف کے سامنے تحفظ ناموس رسالت کی بات نہیں کرتے۔یہ کیسا دوہرا معیار ہے کہ عوام کو تحفظ ناموس رسالت بتا رہے ہیں ،
سیاستدانوں کو جمہوریت بتا رہے ہیں اور ہمیں بتا رہے ہیں کہ میں احتجاج میں مذہب کو استعمال نہیں کرنا چاہتا۔اگر ناموس رسالت ہی اصل مسئلہ ہے تو پھر تو انھیں بلاول اور نوازشریف سے ناراض ہو جانا چاہیے۔کیونکہ وہ دونوں ناموس رسالت کے ساتھ نہیں ہیں۔ تو ان کے ساتھ کھڑا ہونےکی بجائے جس وزیر اعظم نے اقوام متحدہ کی جنرل اسمبلی میں ڈنکے کی چوٹ پر ناموس رسالت کی بات کی۔ کم از کم اس کی تقریر کی تعریف کو کرنی چاہیے۔ہمارے بھی ہزار ہا سیاسی اختلافات ہیں عمران خان کے ساتھ، لیکن آج تک پاکستان کیا خود اقوام متحدہ کی تاریخ میں کسی لیڈر نے ناموس رسالت پر اتنی دھڑلے سے بات نہیں کی۔نوازشریف جب ختم نبوت قانون میں ترمیم کررہا تھا ۔ مولانا ان دنوں نہیں بولے اور
پانچ سال بڑی خاموشی کے ساتھ بیٹھے رہے۔