06:55 pm
کشمیر ایشو کو موثر انداز میں اجاگر کرنے کے لئے سعودی عرب میں کشمیر کمیٹی  قائم

کشمیر ایشو کو موثر انداز میں اجاگر کرنے کے لئے سعودی عرب میں کشمیر کمیٹی قائم

06:55 pm

اسلام آباد(آن لائن )مقبوضہ کشمیر کی آزادی اور دنیا بھر میں کشمیر ایشو کو موثر انداز میں اجاگر کرنے کے لئے سعودی عرب میں سیاسی جماعتوں کی جانب سے کشمیر کمیٹی کا قیام عمل میں لایا گیا ہے۔ دارلحکومت ریاض میں سیاسی و مذہبی جماعتوں کی جانب سے کشمیر کمیٹی کے قیام کا مقصد مسئلہ کشمیر کو سعودی عرب سمیت خلیجی ممالک میں اجاگر کرنے اور کشمیریوں پر ہونے والے مظالم کو اجاگر کرنا ہے
کشمیر کمیٹی کے چیرمین رانا عبدالروف نے کہا کہ مسلہ کشمیر کے حل کے لئے ضروری ہے کہ ہم اجتماعی طور پر کشمیریوں کی آواز بن کر ابھریں تاکہ ایک توانا آواز دنیا کو کشمیر میں جاری بھارتی فوج کے مظالم سے آگاہ کر سکے اور دنیا بھارت کے مکروہ چہرے کو جان سکے کشمیر کمیٹی کے اجلاس میں یہ فیصلہ بھی کیا گیا کہ ہر ہفتے ہر سیاسی جماعت کی جانب سے مسلہ کشمیر پر تقریب کا اہتمام کیا جاے گا اور کشمیری عوام کے ساتھ بھرپور انداز میں اظہار یکجہتی کیا جاے گا اجلاس سے احسن عباسی، خالد اکرم رانا، حافظ عبدالوحید، اقبال ودود، اور دیگر نے بھی اظہار خیال کیا اور کہا کہ جب تک کشمیر آزاد نہیں ہوجاتا ہم اپنی جدوجہد جاری رکھیں گے