09:42 am
اب پاکستانی نادرا کی بجائے شناختی کارڈز کہاں سے بنوا سکیں گے

اب پاکستانی نادرا کی بجائے شناختی کارڈز کہاں سے بنوا سکیں گے

09:42 am

اسلام آباد (مانیٹرنگ ڈیسک)اب پاکستانی نادرا کی بجائے شناختی کارڈز کہاں سے بنوا سکیں گے ، زبردست خوشخبری ۔۔۔ نیشنل ڈیٹا بیس اینڈ رجسٹریشن اتھارٹی (نادرا) نے دیہی علاقوں میں قائم 200 ڈاکخانوں میں شناختی کارڈز بنانے کی سہولت فراہم کردی ہے۔ ترجمان نادرا کے مطابق پاکستان پوسٹ آفس کے ساتھ معاہدے کے مطابق نادرا ڈاکخانوں میں شناختی کارڈز بنانے کی سہولت کو ملک بھر میں شروع کرےگا۔ ابتدائی طورپرملک کے 200 مختلف ڈاکخانوں میں شناختی کارڈز بنانے کی سہولت فراہم کی گئی ہے۔
معاہدے کے تحت ملک بھرمیں جون 2017 میں تجرباتی طورپر10 کائونٹرز قائم کیے گئے تھے، اس تعداد میں بتدریج اضافہ کیا گیا ہے۔ ترجمان نادرا کے مطابق عوامی سہولت کے لیے اب مزید 200 کائونٹرز پوسٹ آفسز میں قائم کیے جائیں گے۔نادرا اور پاکستان پوسٹ کا ان سینٹرز کو دیہی اور پسماندہ علاقوں میں کھولنے کا بنیادی مقصد رجسٹریشن کے عمل کو سہل بنانا ہے۔