05:38 pm
تباہی سے ترقی کے راستے پر گامزن ملک کا واحد ادارہ

تباہی سے ترقی کے راستے پر گامزن ملک کا واحد ادارہ

05:38 pm

اسلام آباد(آن لائن)پاکستان پوسٹ موجودہ حکومت کی سر پرستی اور وفاقی وزیر مواصلات پوسٹل سروسز مراد سعید کی شبانہ روز کوششوں کی وجہ سے ملک کا ایک فعال ، قومی خدمت سے سر شار ، جدید دور کے تقاضوں سے ہم آہنگ قومی ادارہ بن چکا ہے۔یہ بات پاکستان پوسٹ کے ترجمان نے جمعرات کو ایک اعلامیہ جاری کرتے ہوئے کہی پاکستان پوسٹ کے ترجمان نے مزید کہا
کہ پاکستان پوسٹ کی جانب سے وفاقی وزیر مواصلات پوسٹل سروسز کے حالیہ انقلابی اقدامات کے نتیجے میں اس قومی ادارہ پر عوام کے اعتماد میں بے پناہ اضافہ ہوا ہے جس سے یہ قومی ادارہ اپنی مالی خود کفالت کی منزل کے بالکل قریب پہنچ چکا ہے۔پاکستان پوسٹ کے ترجمان نے مزید کہا کہ یہی وجہ ہے کہ اسلام آباد سرکل کی آمدن میں پچھلے سال کے مقابلے میں ریکارڈ اضافہ ہوا ہے۔پاکستان پوسٹ کے ترجمان کے مطابق پچھلے سال کے مقابلے میں اسلام آباد سرکل کی آمدن میں 82فیصد اضافہ ہوا ہے۔