11:59 am
نیب کی حراست میں پہلے روز نواز شریف ساری رات کیا کرتے رہے

نیب کی حراست میں پہلے روز نواز شریف ساری رات کیا کرتے رہے

11:59 am

اسلام آباد (مانیٹرنگ ڈیسک) سابق وزیراعظم نواز شریف کو گذشتہ روز نیب نے چودھری شوگر ملز کیس میں بھی گرفتار کر لیا تھا۔ تفصیلات کے مطابق احتساب عدالت نے گذشتہ روز سابق وزیراعظم نواز شریف کو 14 روزہ جسمانی ریمانڈ پر نیب کے حوالے کیا جس کے بعد سابق وزیراعظم نواز شریف کو نیب لاہور منتقل کر دیا گیا جہاں ڈے کئیر سینٹر کو سب جیل کا درجہ دے دیا گیا تھا۔ نواز شریف نے پہلی رات نیب کے ڈے کئیر سینٹر میں گزاری۔
نواز شریف نے رات کو گھر سے آئے دال چاول کھائے، وہ رات دیر تک جاگتے رہے، دیر تک جاگنے پر سابق وزیراعظم کی سکیورٹی پر تعینات افسر نے ان سے خیریت دریافت کی۔ نواز شریف کا کہنا تھا کہ ہمیشہ قوم کی خدمت نیک نیتی سے کی ہے اللہ تعالٰی اپنا کرم کرے گا، آپ لوگ میرے اور میرے خاندان پر جتنے بھی ظلم کر لیں میں اور میرا خاندان سرخرو ہو گا۔