نئے چیئرمین کے لیے مختلف نام زیرغور، کسی ایک نام پر اتفاق نہ ہونے سے معاملہ لٹک گیا ادارہ میں تعینات سٹاف کام نہ ہونے پر سیر تفریح میں مصروف، جملہ زیرکار فائلیں رک گئیں مظفرآباد( تنویر احمد تنولی /نمائندہ خصوصی) آزادکشمیر میں کرپشن اور بد عنوانیوں کے خلاف کارروائی کے لیے قائم کردہ ادارہ احتساب بیورہ حکومتی بے حسی اور عدم توجہ کا شکار ہوگیا۔ گزشتہ 4ماہ سے چیئرمین کی تعیناتی نہ ہونے سے جملہ زیرکار فائلیں رک گئیں۔ احتساب بیورو عملی طور پر مفلوج ہو کر رہ گیا۔ حکومت کی جانب سے نئے چیئرمین کے لیے مختلف نام زیرغور، کسی ایک نام پر اتفاق نہ ہونے سے معاملہ لٹک گیا۔ ادارہ میں تعینات سٹاف کام کاج نہ ہونے پر سیر تفریح میں مصروف۔ ماہانہ کروڑوں روپے تنخواہوں اور دیگر معاملات پر خرچ کرنے سے خزانہ سرکاری کو ٹیکہ لگنے لگا۔ تفصیلات کے مطابق آزاد جموں وکشمیر احتساب بیورو میں چیئرمین کی آسامی چارماہ سے خالی ہے جس پر حکومت کی جانب سے تعیناتی کے لیے کسی ایک نام پر اتفاق نہ ہونے سے ادارہ میں زیرکار کیسز اور فائلیں جن سے ریاست کو اربوں روپے کا نقصان ہوا ہے سمیت جملہ فائلیں چیئرمین نہ ہونے سے رک گئی ہیں ۔ ادارہ کا سٹاف کام کاج نہ ہونے پر مفت کی تنخواہوں اور ٹرانسپورٹ کر رہا ہے شہریوں نے حکومت سے مطالبہ کیا ہے کہ غیر جانبدار اور اہل شخص کو چیئرمین احتساب بیورو تعینات کرتے ہوئے خطہ میں کرپشن اور بدعنوانی کے معاملات کی فوری تحقیقات کرائی جائے۔ غیر فعال