02:00 pm
پاک فوج حکومتی کس معاملے پر ناخوش ہے ، غیر ملکی جریدے کی رپورٹ

پاک فوج حکومتی کس معاملے پر ناخوش ہے ، غیر ملکی جریدے کی رپورٹ

02:00 pm

اسلام آباد (مانیٹرنگ ڈیسک) جوں جوں مولانا کا مارچ نزدیک آتا جا رہا ہے ویسے ویسے ملکی سیاسی صورتحال میں ایک تنائو کی سی صورت پیدا ہو تی جا رہی ہے ۔ ملکی و غیر ملکی میڈیا اور سوشل میڈیا ایکٹو ہو چکا ہے جس میں محب وطن کم اور غیر ملکی سازشوں کے آلہ کا ر زیادہ ہیں لہذا اول تو عوام سے گزارش ہے کہ وہ کسی بھی قسم کی افواہوں پر کان نہ دھرے اوردوم یہ کہ کوئی بھی خبر ہو وہ بلا تصدیق عوام کیساتھ شیئر نہ کرے ۔مثال کے طور پر ایک غیر ملکی جریدے کی رپورٹ سامنے آئی ہے
جس میں دعویٰ کیا گیاہے کہ پاک فوج پاکستان کا موجودہ وزیر اعظم تبدیل کر سکتی ہے ۔ رپورٹ میں کہا گیا ہے کہ پاک فوج معاشی معاملات پر وزیر اعظم عمران خان سے نا خوش ہے لہذا ہو سکتا ہے کہ جنرل قمر جاوید باجوہ وزیر اعظم کو تبدیل کر دیں ۔ رپورٹ میں کہا گیا کہ پاک فوج کے ساتھ کاروباری حضرات کی ملاقات میں پاک فوج موجودہ حکومت کی ملک میں معاشی ڈیلنگ سے خوش نہیں ہے جبکہ تاجر برادری کی آرمی چیف سے خفیہ ملاقات کا بھی اس رپورٹ میں ذکر کیا گیا ہے ۔ واضح رہے کہ اس سے قبل بھارت کی جانب سے بھی ایسی ہی رپورٹ نشر کی گئی جس کی پاکستان نے سختی سے تردید کی تھی ۔

تازہ ترین خبریں