03:55 pm
مولانا کے مارچ پر ن لیگ کا اہم ترین اجلاس ، پارٹی کے سینئر رہنما غائب

مولانا کے مارچ پر ن لیگ کا اہم ترین اجلاس ، پارٹی کے سینئر رہنما غائب

03:55 pm

اسلام آباد (احمد ارسلان ) پاکستانی سیاست میں ان دنوں خوب ہلچل ہے ۔ ایک طرف مولانا فضل الرحمان کا آزادی مارچ نزدیک آرہا ہے تو دوسری طرف اس مارچ پر ن لیگ اور پی پی کا اونٹ کس کروٹ بیٹھنے والا ہے اس بات کا سب کو انتظار ہے ۔ مولانا کی آزادی مارچ کے حوالے سے آج ن لیگ کا اجلاس ہوا جس میں مستقبل کا لائحہ عمل طے کیا گیا ۔ آج کے اجلاس میں ایک بات جو نہایت حیران کن نظر آئی وہ یہ تھی کہ اجلاس میں متعدد سینئر رہنما ئوں راجہ ظفر الحق،
پرویز رشید، جاوید لطیف اور محمد زبیر نے شرکت نہیں کی ۔ پرویز رشید کی جانب سے بیان سامنے آیا کہ انہیں اجلاس میں بلایا ہی نہیں گیا۔ دوسری جانب گزشتہ روز پاکستانی میڈیا پر ایک خبر یہ بھی گردش کرتی رہی کہ ن لیگ میں ایک جاسوس موجود ہے جو اپنے الیکٹرونک گیجٹ کے ذریعے ن لیگ کے اجلاسوں کی اہم اور خفیہ گفتگو باہر پہنچاتا ہے ۔ کہا جا رہا ہے کہ وہ ن لیگ کا بے حد اہم رہنما ہے ۔ وہ رہنما کون ہے اس بارے میں ابھی کچھ بھی کہنا قبل از وقت ہوگا تاہم اسد عمر کے بھائی’’ محمد زبیر اور پرویز رشید‘‘ کو آج کے اہم اجلاس میں نہ بلایا جانا بہت سے سوالات اٹھا رہا ہے ۔