09:04 am
وزیر اعظم عمران خان ایک روزہ دورے پر ایران پہنچ گئے

وزیر اعظم عمران خان ایک روزہ دورے پر ایران پہنچ گئے

09:04 am

اسلام آباد (مانیٹرنگ ڈیسک) وزیر اعظم عمران خان ایران سعودی عرب کشیدگی کے تناظر میں ایک روزہ سرکاری دورے پر ایران پہنچ گئے،ایرانی وزیر خارجہ جواد ظریف نے ان کا استقبال کیا۔ تفصیلات کے مطابق وزیر اعظم عمران خان ایک روزہ دورے پر ایران پہنچ گئے، وزیرخارجہ شاہ محمود قریشی اورمعاون خصوصی زلفی بخاری بھی ان کے ہمراہ ہیں ،ڈی جی آئی ایس آئی فیض حمید بھی وزیراعظم کے ہمراہ ہیں ،ایرانی وزیر خارجہ جواد ظریف نے وزیراعظم عمران خان اور وفد کا ایئر پورٹ پر استقبال کیا۔
وزیر اعظم دورہ ایران کے دوران ایرانی صدر حسن روحانی اور رہبر اعلیٰ آیت اللہ خامنائی سے ملاقاتیں کریں گے۔عمران خان ایرانی قیادت سے خطے میں امن و سلامتی کے امور پر بات چیت کریں گے۔ وزیر اعظم ایران کے بعد سعودی عرب جائیں گے ، ڈی جی آئی ایس آئی ، وزیر خارجہ شاہ محمود قریشی اور معاون خصوصی زلفی بخاری بھی وزیر اعظم کے ساتھ ہونگے۔ واضح رہے کہ وزیر اعظم عمران خان ایران سعودیہ کشیدگی کم کرانے کے تناظر میں سہولت کار کا کردار ادا کررہے ہیں۔