04:53 pm
پیپلزپارٹی اور مسلم لیگ (ن) کا اپنا الگ احتجاج نہ کرنا خاصا حیران کن ہے، ضمیر حیدر

پیپلزپارٹی اور مسلم لیگ (ن) کا اپنا الگ احتجاج نہ کرنا خاصا حیران کن ہے، ضمیر حیدر

04:53 pm

اسلام آباد (مانیٹرنگ ڈیسک) سینئر ملکی صحافی اور تجزیہ کارضمیر حیدر نے کہا ہے کہ مسلم لیگ (ن) اور پیپلزپارٹی کا اپنے الگ منشور کے تحت احتجاج کےلئے نہ نکلنا سمجھ سے بالاتر ہے۔ نجی ٹی وی چینل کے پروگرام جیو نیوز میں گفتگو کرتے ہوئے ضمیر حیدر کا کہنا تھا کہ 12اکتوبر 1999کا واقعہ کوئی ایک ہی د ن میں نہیں ہو گیا تھا اس کے پیچھےایک پس منظر چل رہا تھا۔جب مولانا فضل الرحمان سے پوچھا گیا کہ کیا اگر آرمی چیف سے ملاقات کرنی ہو تو وہ کریں گے۔
اس پر انھوںنے جواب دیا بالکل کروں گا اس میں کوئی مضائقہ نہیں۔ ضمیر حیدرکا کہناتھا کہ یہ سمجھنا خاصا مشکل ہے کہ پیپلزپارٹی جس کے پاس سندھ میں حکومت ہے اور مسلم لیگ (ن) جس کی پنجاب اور مرکز میں کافی سیٹیں ہیں یہ کیوں اپنے الگ فورم سے احتجاج نہیں کرتی ۔اور اپنا جداگانہ ایجنڈا یا منشورسامنے نہیں لے کر آتیں۔ میں آل پارٹیز کانفرنس میں شامل تھا ۔ اور میں نے ساری باتیں حرف بہ حرف سنیں ۔ میں نے سنا کہ بلاول بھٹو مولانافضل الرحمان سے کہہ رہے ہیں کہ ہم فلاں فلاں وجہ کے تحت آپ کے مارچ میں شامل نہیں ہوسکتے۔ اس پر مولانا فضل الرحمان نے کہا کہ آپ بے شک اٹھ کر چلے جائیں۔ میں نے فیصلہ کر لیا ہے کہ میں نے ہر صورت میں مار چ کرنا ہی کرنا ہے۔