ان کے کیس کا کوئی فیصلہ نہیں ہوگا ، ضمانت کے بعد انہیں پاکستان سے باہر جا کر علاج کروانے کی اجازت بھی ملے گی۔میاں نواز شریف کیساتھ ان کی صاحبزادی بھی ملک سے باہر چلی جائیں گی ۔ اسی دوران معید پیرزادہ نے انہیں ٹوکا کہ میاں صاحب کو صحت کی بنا پر ضمانت ملے گی جس پر تجزیہ نگار عمران خان نے کہا کہ میںیہ کہہ رہاہوں کہ میاں صاحب کو ان کے مقدمے میں ٹیکنیکل وجوہات پر ضمانت ملے گی اور اس کے بعد صحت کی بنیاد پر باہر جانے کی اجازت ملے گی ۔ میاں صاحب پاکستان سے اپنے بچوں کے پاس علاج کروانے جائیں گے اور مریم صاحبہ بھی ان کیساتھ جائیں گی اور میاں صاحب کے کیس پینڈنگ پوزیشن میں رہیں گے اور تحریک انصاف پیچھے سے یہ کہتی رہے گی کہ یہ دیکھو یہ کرپٹ آدمی ہے اور باہر جا کر علاج کر وا رہا ہے ، اس نے پاکستان کو تباہ کیا ۔مسلم لیگ ن کےلوگ کہیں گےکہ میاں صاحب کی حالت اسی طرح خراب ہے جیسے بیگم کلثوم نواز کی حالت خراب تھی (اور من وعن یہی بات گزشتہ روز مریم نواز کہہ چکی ہیں ) میاں صاحب وطن واپس آکر مقدموں کا سامنا کریں گے وہ نہ پہلے کبھی بھاگے ہیں نا ہی اب بھاگیں گے ۔ مریم نواز کچھ عرصے کیلئے عملاً پاکستانی سیاست سے کنارہ کشی اختیار کر لیں گی ۔ اگلے انتخابات میں وہ واپس آئیں گی اپنے والد کو باہر چھوڑ کر اور پھرپاکستان میں اپنی سیاسی کمپین کا آغاز کریں گی اور سب سے اہم بات کہ’’ وہ جو پیسہ جو آنا ہے ‘‘ وہ سب طے ہو چکا ہے ۔ ‘‘ یہ تو تھی عمران خا ن کی پیشگوئی تاہم اگر نظر دوڑائی جائے تو حالات اس سے کچھ مختلف نہیں دکھائی دیتے ۔ دوسری جانب ہمیں کچھ مضبوط ذرائع سے خبر ملی ہے کہ نوازشریف کی رہائی کے لیئے حکومت نے 60 بلین روپے کی ڈیل فائنل کر لی ہے۔ ذرائع کا یہ بھی کہنا ہے کہ نوازشریف کی طبیعت بالکل ٹھیک ہے۔انکی صحت سے متعلق رپورٹس جھوٹ پر مبنی ہیں اور صرف این آر او دینے کے لیئے بنائی گئی ہیںتاہم اللہ پاک سے دعا ہے کہ وہ سابق وزیر اعظم کو ’’صحت کاملہ ‘‘ عطا کرے اور جو کچھ وہ اپنی خوشی سے پاکستان کو دینا چاہتے ہیں وہ ضرور دیں ۔