اور لمحہ با لمحہ رپورٹ طلب کر رہے ہیں۔ لیکن یہاں پر سوال یہ پیدا ہوتا ہے کہ کیا وزیراعظم کو اس سے قبل نواز شریف کی بیماری کی سنگینی کا علم نہیں تھا؟۔کیونکہ عمران خان نے امریکا میں یہ بیان دیا تھا کہ وہ ملک واپس جا کر نواز شریف سے اے سی کی سہولت واپس لے لیں گے۔اسی حوالے سے گفتگو کرتے ہوئے سینئیر صحافی حامد میر کا کہنا ہے کہ نواز شریف کے علاج میں بہت تاخیر کی گئی۔ نواز شریف کی صحت کو ٹیسٹ کرنے کے لیے پنجاب حکومت نے پانچ میڈیکل بورڈ بنائے تھے۔ جب نواز شریف اڈیالہ جیل راولپنڈی میں قید تھے تو اس وقت ان پانچ میڈیکل بورڈ میں سے ایک آرمی کے ڈاکٹر میجر جنرل ریٹائرڈ اظہر محمود کیانی نے میڈیکل رپورٹ میں لکھا تھا کہ نواز شریف کو فوری طور پر اسپتال داخل کرنے کی ضرورت ہے۔اور اس بات کو قریبا ایک سال ہو گیا ہے۔انہوں نے کہا کہ اس میڈیکل رپورٹ کے مطابق نواز شریف کو ایک سال قبل ہی راولپنڈی انسٹیٹیوٹ آف کارڈیالوجی میں داخل کرنے کی ہدایت کی گئی تھی۔ اس معاملے کو ایک سال گزر گیا۔نواز شریف کی حالت خراب ہوتی گئی۔حامد میر نے مزید کہا کہ کہا جا رہا ہے کہ عدالت فیصلہ کرے گی لیکن پنجاب حکومت کو چاہئیے کہ نواز شریف کو علاج معالجے کی ہر طرح کی بہترین سہولیات مہیا کرے۔ 5 میڈیکل بورڈ کی رپورٹس اور آرمی کے ایک ڈاکٹر جس نے ایک سال پہلے کہا تھا انکو جتنی جلدی ہو سکے ہسپتال منتقل کیاانکو دیکھتے اور سنتے ہوئے پنجاب حکومت نے کس کے کہنے پر تاخیری حربے استعمال کیےمیاں نواز شریف کی خراب صحت کے ذمہ دار وہ ادارے اور یہ حکومت ہےجسکے کہنے پر یہ سب کچھ ہوا ہے اسی حوالے سے ایک ن لیگی رہنما نے بھی ٹویٹ کیا ہے جس میں انہوں نے کہا ہے کہ میاں نواز شریف جب اڈیالہ جیل میں قید تھے تو حکومت کے ہی بنائے ہوئے ڈاکٹروں کے بورڈ نے رپورٹ مرتب کی تھی جس میں بارہ مختلف بیماریوں کی نشاندہی کرتے ہوئے انہیں فوراً راولپنڈی کارڈیالوجی منتقل کرنے کی سفارش کی گئی لیکن تب یہ کم ظرف حکمران اسے ڈرامہ کہتے تھے مذاق اڑاتے تھے۔  



 

5 میڈیکل بورڈ کی رپورٹس اور آرمی کے ایک ڈاکٹر جس نے ایک سال پہلے کہا تھا انکو جتنی جلدی ہو سکے ہسپتال منتقل کیاانکو دیکھتے اور سنتے ہوئے پنجاب حکومت نے کس کے کہنے پر تاخیری حربے استعمال کیےمیاں نواز شریف کی خراب صحت کے ذمہ دار وہ ادارے اور یہ حکومت ہےجسکے کہنے پر یہ سب کچھ ہوا ہے pic.twitter.com/JLEP4Ty91S

— 💖Butt Tariq 💟PML💟 N💟🦁🐆💟 (@ButtTariq15) October 26, 2019