05:13 pm
جب تک مریم نواز کی درخواست ضمانت کا فیصلہ نہیں آجاتا، بیرون ملک نہیں جاسکتا

جب تک مریم نواز کی درخواست ضمانت کا فیصلہ نہیں آجاتا، بیرون ملک نہیں جاسکتا

05:13 pm

اسلام آباد (نیوز ڈیسک) ڈاکٹرز کا علاج کیلئے بیرون ملک جانے کا مشورہ، نواز شریف ہچکچاہٹ کا شکار، سابق وزیراعظم مریم نواز کی درخواست ضمانت کا فیصلہ آنے تک کوئی فیصلہ کرنے سے گریزاں، ای سی ایل سے نام نکلوانے کی درخواست دینے کا فیصلہ بھی اگلے ہفتے منگل کے روز کیا جائے گا۔ تفصیلات کے مطابق اسلام آباد ہائیکورٹ سے ضمانت ملنے کے بعد مسلم لیگ ن نے سابق وزیراعظم نواز شریف کو بیرون ملک بھیجنے کیلئے غور و فکر شروع کر دیا ہے۔بتایا گیا ہے
کہ شہباز شریف پارٹی رہنماوں سے مشاورت کر رہے ہیں کہ نواز شریف کا نام ای سی ایل سے نکلوانے کیلئے درخواست کب دائر کی جائے۔ جبکہ ڈاکٹرز نے نواز شریف کو مشورہ دیا ہے کہ وہ علاج کیلئے بیرون ملک چلے جائیں۔تاہم نواز شریف اس حوالے سے فوری کوئی فیصلہ لینے میں ہچکچاہٹ کا مظاہرہ کر رہے ہیں۔ ذرائع کے مطابق نواز شریف اس حوالے سے کوئی فیصلہ لینے سے قبل مریم نواز کی درخواست ضمانت کا فیصلہ آنے کا انتظار کرنا چاہتے ہیں۔جبکہ ان کو ضمانت میں بھی توسیع کا فیصلہ منگل کے روز ہی کیا جائے۔ عدالت سے ان درخواستوں کے فیصلے آنے کے بعد نواز شریف بیرون ملک جانے سے متعلق کوئی حتمی فیصلہ کریں گے۔ دوسری جانب اسلام آباد ہائیکورٹ نے سابق وزیر اعظم نوازشریف کی 29 اکتوبرمنگل تک عبوری ضمانت منظور کرلی، نوازشریف کی ضمانت العزیزیہ ریفرنس میں انسانی اورطبی بنیادوں پر منظور کی گئی،عدالت نے 20 لاکھ کے 2 مچلکے جمع کروانے کا حکم دیا،ماضی کے فیصلوں پر قیدیوں کیلئے اصول وضع کرچکے ہیں، حکومت تمام قیدیوں سے متعلق 15روز میں رپورٹ جمع کروائے۔میڈیا رپورٹس کے مطابق اسلام آباد ہائیکورٹ میں سابق وزیر اعظم نوازشریف کی العزیزیہ ریفرنس میں طبی بنیادوں پر ضمانت کی درخواست پر سماعت ہوئی۔ چیف جسٹس اطہرمن اللہ کی سربراہی میں 2 رکنی بنچ نے وقفے لینے کے بعد چوتھی بار سماعت شروع کی، اس سے قبل عدالت نے تین بار آدھے آدھے گھنٹے کیلئے سیکرٹری داخلہ، اٹارنی جنرل، ترجمان پنجاب حکومت اورحکام سے حکومت کو عدالتی کاروائی سے آگاہ کرنے اور بیان حلفی دینے کیلئے جواب طلب کرنے کیلئے وقت دیا تھا۔اسلام آباد ہائیکورٹ نے فیصلہ سنایا کہ ہم وفاقی اور صوبائی حکومت کو ہدایات جاری کررہے ہیں، وفاقی حکومت قیدیوں سے متعلق تمام صوبائی حکومتوں سے رپورٹ طلب کرے، وزیراعظم ، وزیراعلیٰ پنجاب اور چیئرمین نیب اس معاملے میں فیصلہ کریں۔ ماضی کے فیصلوں پر قیدیوں کیلئے اصول وضع کرچکے ہیں، حکومت ذمہ داری ادا کررہی ہے نہ ہی ذمہ داری لے رہی ہے، بتایا جائے قیدیوں سے متعلق عدالتی حکم پر کیا عملدرآمد کیا گیا؟ سیکرٹری داخلہ 15روز میں رپورٹ جمع کروائیں۔عدالت نے فیصلہ سناتے ہوئے سابق وزیر اعظم نوازشریف کی 29 اکتوبرمنگل تک عبوری ضمانت منظور کرلی۔ نوازشریف کی ضمانت العزیزیہ ریفرنس میں انسانی اورطبی بنیادوں پر منظور کی گئی۔عدالت نے 20 لاکھ کے 2 مچلکوں کے عوض نوازشریف کی ضمانت منظور کی۔ واضح رہے اس سے قبل چیف جسٹس اسلام باد ہائیکورٹ نے سیکرٹری داخلہ سے استفسار کیا کہ کس جماعت کی پنجاب میں حکومت ہے؟ جس پر سیکرٹری داخلہ نے بتایا کہ پنجاب میں تحریک انصاف کی حکومت ہے۔چیف جسٹس نے کہا کہ پھر کیا آپ منگل تک کی ذمہ داری لیں گے؟ کیونکہ عدالت ذمہ داری کسی صورت نہیں لے گی، میڈیکل بورڈ آپ لوگوں نے بنایا ہے۔ عدالت نے کہا کہ سیکرٹری داخلہ! آپ عدالت میں ہیں آپ ہاں یاناں میں جواب دیں، ہرمعاملہ عدالت کے گلے میں نہ ڈالیں۔ اگر ضمانت ہوجاتی ہے توای سی ایل سے نوازشریف کا نام کون نکالے گا؟ وفاقی حکومت واضح جواب دے۔عدالت کے ساتھ سیاست نہ کھیلیں۔ جسٹس محسن اخترکیانی نے کہا کہ پاکستانی شہریوں کی ذمہ داری ریاست لیتی ہے ، قانون کہتا ہے کہ یہ ذمہ داری ریاست کی ہے۔ سیکرٹری داخلہ نے عدالت سے کہا کہ وفاقی حکومت ذمہ داری نہیں لے سکتی، یہ معاملہ پنجاب حکومت کا ہے، جس پر چیف جسٹس نے حکم دیا کہ آدھے گھنٹے کا وقت دیتے ہیں ، پوچھ کر عدالت کو آگاہ کریں، اگر آپ کہتے ہیں توسماعت منگل تک کیلئے ملتوی کردیتے ہیں۔اسی طرح سابق وزیراعظم نواز شریف کے ذاتی معالج ڈاکٹرعدنان نے بھی عدالت کوروسٹرم پر جا کرنوازشریف کی صحت بارے دلائل دیے۔ مزید برآں اس موقع پرعدالت میں ڈیل کی باتیں کرنے والے اینکرز کو بھی طلب کیا گیا، عدالت میں پانچوں اینکرزکا نام پکارا گیا کہ ہمارے قابل احترام اینکرزآئے ہیں؟ جس پر سینئر صحافی اوراینکرزحامدم یر، کاشف عباسی، سمیع ابراہیم، محمد مالک اور عامرمتین عدالت کے سامنے پیش ہوئے۔چیف جسٹس اطہرمن اللہ نے کہا کہ سمیع ابراہیم بتائیں ڈیل کس کی ہے؟ کیا وزیراعظم نے ڈیل کی ہے؟ یہ کہنا کہ ہوسکتا ہے ڈیل ہورہی ہے، عدلیہ بات درست نہیں، ہمارے بغیر کوئی ڈیل نہیں کرسکتا۔ اللہ کا حکم ہے سنی سنائی بات کو آگے مت کرو۔ آپ عسکری اداروں اور منتخب وزیراعظم کو بھی بدنام کررہے ہیں۔ہرادارے میں اچھے برے لوگ ہوتے ہیں۔چیف جسٹس نے ریمارکس دیے کہ ہم جو بھی فیصلہ دیتے ہیں پنڈوراباکس کھل جاتا ہے۔طویل عرصے سے ڈیل کی باتیں سن رہے ہیں۔ ڈیل کی باتوں پر بڑے تحمل کا مظاہرہ کیا ، کیس کا فیصلہ بات میں آتا ہے لیکن میڈیا ٹرائل پہلے شروع ہوجاتا ہے۔ کیا عدلیہ اس ڈیل کا حصہ ہے؟ اسلام آباد ہائیکورٹ کے کسی جج پر کوئی اثر انداز نہیں ہوسکتا۔ اس موقع پر عدالت نے محمد مالک نے بات کرنے کی کوشش کی توعدالت نے چپ کروادیا، جسٹس محسن اختر نے کہا کہ آپ اپنی ٹون ٹھیک کریں۔عدالت نے اینکرپرسنز سے تحریری جواب طلب کرلیا۔ جسٹس محسن اختر نے کہا کہ جو بات ریڑھی والا کرتا ہے وہی بات ٹی وی پر ہورہی ہوتی ہے۔ ملک اس لیے حاصل نہیں کیا کہ اس طرح حشربنایا جائے۔ چیف جسٹس نے پیمرا کی بھی کلاس لی۔ انہوں نے کہا کہ بتائیں پیمرا نے کن کے خلاف ایکشن لیا؟ قبل ازیں اسلام آباد ہائیکورٹ میں نوازشریف کی طبی بنیادوں پرسزا معطلی کی درخواست دائر کی گئی تو درخواست پر سماعت کا دو صفحات پر مشتمل حکم نامہ جاری کیا۔تحریری حکم نامے میں وکلاء کے دلائل کا ذکر کیا گیا کہ وکلاء کے مطابق نوازشریف کی صحت پہلے سے زیادہ خراب ہوگئی ہے۔ نوازشریف کو دل کا اٹیک بھی ہوا ہے۔ نوازشریف کی زندگی کوخطرہ ہے۔ وزیراعظم اور وزیراعلیٰ پنجاب کونوٹس جاری کیا جاتا ہے۔ نمائندے طبی بنیادوں پرعبوری ضمانت کی درخواست کی مخالفت کرتے ہیں یا نہیں۔ ضمانت کی درخواست کی مخالفت کرنے پربیان حلفی جمع کروایا جائے۔ تحریری حکم نامے میں خبردار کیا گیا کہ نوازشریف کی صحت مزید خراب ہوئی توبیان حلفی دینے والے ذمہ دارہوں گے۔

تازہ ترین خبریں

ہمارے بعض لوگ اسمبلیاں تحلیل ہونے سے گھبرا رہے ہیں۔۔۔ہماری مقبولیت کم نہیں ہو گی۔۔۔کپتان نے کارکنان کوتسلی دے دی 

ہمارے بعض لوگ اسمبلیاں تحلیل ہونے سے گھبرا رہے ہیں۔۔۔ہماری مقبولیت کم نہیں ہو گی۔۔۔کپتان نے کارکنان کوتسلی دے دی 

بھار تی ہٹ دھرمی۔۔۔ پاکستانی بلائنڈ کرکٹ ٹیم کو ویزےجاری نہ کیے۔۔۔کھیلوں میں تو سیاست نہ لا یا جائے۔۔۔ ترجمان دفتر خارجہ

بھار تی ہٹ دھرمی۔۔۔ پاکستانی بلائنڈ کرکٹ ٹیم کو ویزےجاری نہ کیے۔۔۔کھیلوں میں تو سیاست نہ لا یا جائے۔۔۔ ترجمان دفتر خارجہ

’اسمبلی نہ توڑیں، مشاورت سے ۔۔۔!!!سابق صدر آصف علی زرداری اورق لیگ کے سربراہ چوہدری شجاعت کی حالیہ ملاقات کی اندرونی کہانی سامنے آگئی

’اسمبلی نہ توڑیں، مشاورت سے ۔۔۔!!!سابق صدر آصف علی زرداری اورق لیگ کے سربراہ چوہدری شجاعت کی حالیہ ملاقات کی اندرونی کہانی سامنے آگئی

تمام تعلیمی اداروں میں ہفتہ وار تین چھٹیوں کا اعلان

تمام تعلیمی اداروں میں ہفتہ وار تین چھٹیوں کا اعلان

دل دل پاکستان سے دلوں میں گھرکرنے والے معروف گلوکار اور نعتیہ کلام پیش کرنے والےجنید جمشید کو ہم سے بچھڑے 6 سال بیت گئے 

دل دل پاکستان سے دلوں میں گھرکرنے والے معروف گلوکار اور نعتیہ کلام پیش کرنے والےجنید جمشید کو ہم سے بچھڑے 6 سال بیت گئے 

سینٹورس کوسیل کرنے کا مجھے یا وزیراعظم کو علم تھا یا نہیں ؟ وزیرداخلہ نے وضاحت کردی

سینٹورس کوسیل کرنے کا مجھے یا وزیراعظم کو علم تھا یا نہیں ؟ وزیرداخلہ نے وضاحت کردی

مراکش فیفا ورلڈکپ قطر کے کوارٹر فائنل میں پہنچنے والا واحد اسلامی ملک بن گیا

مراکش فیفا ورلڈکپ قطر کے کوارٹر فائنل میں پہنچنے والا واحد اسلامی ملک بن گیا

توہین عدالت کیس،پی ٹی آئی رہنما اسد عمر نے غیر مشروط معافی مانگ لی

توہین عدالت کیس،پی ٹی آئی رہنما اسد عمر نے غیر مشروط معافی مانگ لی

سعودی عرب کا سمندری سیاحت کے فروغ کیلیے بڑا اعلان

سعودی عرب کا سمندری سیاحت کے فروغ کیلیے بڑا اعلان

ملک کے سب سے بڑے شہر کی پراسرار خالی بستی، شہر کے مرکز میں موجود ایسا علاقہ جہاں کروڑوں کے گھر مگر رہنے والا کوئی نہیں

ملک کے سب سے بڑے شہر کی پراسرار خالی بستی، شہر کے مرکز میں موجود ایسا علاقہ جہاں کروڑوں کے گھر مگر رہنے والا کوئی نہیں

لاہور دا پاوا اختر لاوا ۔۔ 5 بچوں کا والد اختر لاوا حقیقت میں کون ہے اور یہ کیوں اتنا وائرل ہو رہا ہے؟

لاہور دا پاوا اختر لاوا ۔۔ 5 بچوں کا والد اختر لاوا حقیقت میں کون ہے اور یہ کیوں اتنا وائرل ہو رہا ہے؟

کینسر سے میں گنجی ہوئی تو میرے شوہر نے بھی بال کٹوا دیے ۔۔ 3 مرتبہ کینسر سے لڑنے والی خاتون کی ایسی کہانی جو کسی کو بھی آبدیدہ کرے

کینسر سے میں گنجی ہوئی تو میرے شوہر نے بھی بال کٹوا دیے ۔۔ 3 مرتبہ کینسر سے لڑنے والی خاتون کی ایسی کہانی جو کسی کو بھی آبدیدہ کرے

3 تھپڑ کھاکر اداکاری چھوڑنے کا فیصلہ کرلیا تھا: شکتی کپور،تھپڑ کس اداکار نے مارے تھے ؟جان کرآپ کویقین نہیں آئیگا

3 تھپڑ کھاکر اداکاری چھوڑنے کا فیصلہ کرلیا تھا: شکتی کپور،تھپڑ کس اداکار نے مارے تھے ؟جان کرآپ کویقین نہیں آئیگا

خود گولی کھا لی مگر دوسروں کو بچا لیا ۔۔ کابل میں حملہ ناکام بنانے والا پاکستانی کمانڈو، جس کی تعریف افغانستان بھی کر رہا ہے

خود گولی کھا لی مگر دوسروں کو بچا لیا ۔۔ کابل میں حملہ ناکام بنانے والا پاکستانی کمانڈو، جس کی تعریف افغانستان بھی کر رہا ہے