نیب نے سلمان شہباز کو اشتہاری قرار دے دیا۔عدالت نے سلمان شہباز کی جائیداد بھی قرق کرنے کا حکم دے دیا۔اس سے قبل 30ستمبر کو احتساب عدالت لاہور میں شریف خاندان کے خلاف منی لانڈرنگ کیس کی سماعت ہوئی تھی۔ نیب نے شہباز شریف کے صاحبزادے سلمان شہباز کی جائیداد ضبط کر لی تھی۔۔ پولیس نے بتایا کہ عدالتی احکامات پر سلمان شہباز کی طلبی کے حوالے سے اشتہارات لگائے گئے۔پولیس کے مطابق سلمان شہبازکی رہائش گاہ اورعدالت کےدروازے کے باہرطلبی کے اشتہارات لگائے گئے۔ جس پر احتساب عدالت نے جائیدادیں قرقی کے حوالے سے متعلقہ محکموں کو آگاہ کرنے کا حکم دے دیا ہے۔ یاد رہے کہ 30 اگست کو احتساب عدالت نے منی لانڈرنگ کیس میں عدالت پیش نہ ہونے پر اپوزیشن لیڈر شہباز شریف کے بیٹے سلمان شہباز کو اشتہاری قرار دیتے ہوئے جائیدادیں ضبط کرنے کا حکم دے دیا تھا۔دوران سماعت نیب پراسیکیوٹر حافظ اسداللہ اعوان نے دلائل میں کہا کہ منی لانڈرنگ کیس میں سلمان شہباز کو بار بار طلبی کے نوٹس جاری کیے، لیکن ملزم نے نیب انوسٹی گیشن جوائن نہیں کی، وہ ملک سے فرار ہوچکا ہے۔ نیب پراسیکیوٹر نے استدعا کی کہ سلمان شہباز کی جائیداد ضبطی کا حکم دے اور ملزم کو اشتہاری قرار دیا جائے۔ جس پر احتساب عدالت کے جج امیر محمد خان نے نیب پراسیکوٹرز کی درخواست پر سلمان شہباز کو اشتہاری قرار دیتے ہوئے ان کی منقولہ اور غیر منقولہ جائیدادیں ضبط کرنے کا حکم دے دیا۔. عدالت نے تفتیشی افسرکو ہدایت کی کہ سلمان شہباز کی جائیدادیں ضبط کر کے ایک ماہ میں رپورٹ دی جائے، عدالت کا تحریری فیصلہ ایک صفحہ پر مشتمل ہے بعد ازاں منی لانڈرنگ کیس کی مزید سماعت 30 ستمبر تک ملتوی کردی۔ خیال رہے کہ نیب نے 25 اکتوبر 2018ء کو سلمان شہباز کو طلبی کا نوٹس بھیجا تھا، جس میں انہیں 30 اکتوبر کو طلب کیا گیا، لیکن سلمان شہباز نیب پیشی سے 3 دن پہلے ملک چھوڑ کر 27 اکتوبر کو لندن روانہ ہو گئے تھے۔