08:26 am
 آزادی مارچ کے شرکا نے صبح کا آغاز نماز فجر کی ادائیگی سے کیا

آزادی مارچ کے شرکا نے صبح کا آغاز نماز فجر کی ادائیگی سے کیا

08:26 am

اسلام آباد (نیوز ڈیسک )اسلام آباد کے ایچ نائن گراؤنڈ میں قیام کے بعد آزادی مارچ کے شرکا نے صبح کا آغاز نماز فجر کی ادائیگی سے کیا جس کے بعد گراؤنڈ میں چہل پہل نظرآئی۔آزادی مارچ کے شرکا نے گراؤنڈ کی صفائی کی تو چند نے بستروں کو لپیٹنا شروع کردیا، جگہ جگہ ناشتے کے لیے اسٹال لگ گئے تو کہیں گرما گرم چائے
بنتی نظر آئی تو کوئی اخبار پڑھتا نظر آیا۔تازہ دم ہونے کے لئے شرکا نے دودھ پتی اور حلوے اور نان کا ناشتہ کیا، مارچ کے شرکا ناشتے کے بعد خوش گپیوں میں مصروف نظر آئے۔مارچ کے شرکا جہاں اپنے ساتھ کھانے پینے کا بہت سا سامان لائے ہیں وہیں ایک شخص اپنے ساتھ سولر پینل اور بیٹری بھی لے آیا جس کے فائدہ اٹھاتے ہوئے شرکا سولر پینل سے موبائل فون چارج کررہے ہیں۔