02:04 pm
آزادی مارچ والوں سے متعلق حکومت نے بہت بڑا فیصلہ کر لیا

آزادی مارچ والوں سے متعلق حکومت نے بہت بڑا فیصلہ کر لیا

02:04 pm

اسلام آباد(مانیٹرنگ ڈیسک) اسلام آباد میں آزادی مارچ موجود ہے ، ان کی جانب سے تحریک انصاف حکومت کو دی گئی ڈیڈ لائن آج ختم ہو رہی ہے ۔ جے یو آئی کا اگلا لائحہ عمل کیا ہوگا یہ فیصلہ ابھی ہونا باقی ہے تاہم حکومت نے دھرنے والوں کی پیش قدمی ہرصورت روکنے کا فیصلہ کرلیا ہے ، پیش قدمی کرنے والوں پرہیلی کاپٹرسے بھی شیلنگ کی جائے گی، ڈی چوک اورڈپلومیٹک انکلیو کے راستوں کو مکمل سیل کردیا گیا ہے۔ میڈیا رپورٹس کے مطابق حکومت نے آزادی مارچ والوں کی ڈیڈ لائن ختم ہونے اور آئندہ کی ممکنہ کشیدہ صورتحال کے پیش نظر بھرپور سکیورٹی کی تیاری کرلی ہے۔حکومت نے دھرنے والوں کی پیش قدمی ہرصورت روکنے کا فیصلہ کرلیا ہے۔ڈی چوک اورڈپلومیٹک انکلیو کے راستوں کو مکمل سیل کردیا گیا ہے
۔اسی طرح ایوان صدر، وزیراعظم ہاؤس اور پارلیمنٹ کی طرف جانے والے راستوں پر کنٹینرزرکھ دیے گئے۔ بتایا گیا ہے کہ پیش قدمی کرنے والوں پرہیلی کاپٹرسے بھی شیلنگ کی جائے گی۔ حساس مقامات اور ڈی چوک کے راستوں پر پولیس، رینجرز کی بھاری نفری تعینات بھی کردی گئی ہے۔ مزید برآں حکومتی مذاکراتی کمیٹی کے رکن اور اسپیکر پنجاب اسمبلی چودھری پرویز الٰہی نے جے یو آئی (ف) کے سربراہ مولانا فضل الرحمان سے رابطہ کیا ہے، جس میں انہوں نے مولانا فضل الرحمان سے درخواست کی ہے کہ معاملات کو مذاکرات کے ذریعے افہام وتفہیم سے حل کیا جاسکتا ہے، لہذا دھرنے اور احتجاج کی بجائے معاملات کو مل بیٹھ کر حل کیا جائے۔ واضح رہے آج حکومتی مذاکراتی کمیٹی کا اہم اجلاس بھی ہوا ہے ، جس میں آزادی مارچ سے متعلق آئندہ کی حکمت عملی پر مشاورت کی گئی ہے۔ اسی طرح سربراہ جے یوآئی ف مولانا فضل الرحمان کی زیرصدارت بھی پارٹی کا اجلاس ہوا۔ جس میں وزیراعظم کے استفعے کی مہلت ختم ہونے کے بعد کی صورتحال اور رہبرکمیٹی کی تجاویز پرغور کیا گیا۔ دوسری جانب وزیر اعظم عمران خان نے ایک بار پھر اپنے بیان میں واضح کیا ہے کہ این آر او کا مطلب ملک سے غداری ہوگا ، یہ لوگ میرے منہ سے این آراو سننا چاہتے ہیں، کبھی نہیں دونگا ۔