11:33 am
 تین بار کا وزیراعظم نواز شریف موت و حیات کی جنگ لڑ رہاہے،خواجہ آصف

تین بار کا وزیراعظم نواز شریف موت و حیات کی جنگ لڑ رہاہے،خواجہ آصف

11:33 am

اسلام آباد(نیوز ڈیسک ) مسلم لیگ (ن) کے سینئر رہنما خواجہ آصف نے دعویٰ کیا ہےکہ عدالت کے ایک افسر نے حکومتی شخصیت سے نوازشریف سے متعلق دریافت کیا جس پر انہوں نے کہا کہ حکومت کا بھی یہی مؤقف ہےکہ نوازشریف مر جائیں ہماری بلاسے۔قومی اسمبلی میں اظہار خیال کرتے ہوئے خواجہ آصف نے کہا کہ تین بار کا وزیراعظم نواز شریف موت و حیات کی جنگ لڑ رہاہے، انہوں نے موت و حیات کی جنگ میں بھی اپنی اصل جنگ ووٹ کو عزت دو کو نہیں بھولے۔
انہوں نے کہاکہ فروغ نسیم کا بڑا احترام کرتا ہوں، کاش انہوں نے مشرف کے لیے جو رویہ اپنایا وہی نوازشریف کے لیے بھی دلائل دیتے مگر مشرف کے لیے ان کے دلائل مختلف اور نوازشریف کے لیے مختلف ہیں، ان سے استدعا ہےکہ اصول کی بات کریں، ماحول اور موسم کے مطابق بات نہ کریں۔خواجہ آصف نے مزید کہا کہ نوازشریف کے ورکر اور ایم این اے ضامن ہیں، ہم ان کے ضامن ہیں کہ نوازشریف واپس آئیں گے، پاکستان کے عوام انہیں واپس لائیں گے، حکمرانوں سے استدعا کرتا ہوں کہ نوازشریف کو شطرنج کا مہرا نہ بنائیں۔

تازہ ترین خبریں