06:12 pm
اتحادی جماعتوں کادبائومسترد،وزیراعظم عمران خان نے اسمبلیاں تحلیل کرنیکافیصلہ کرلیا

اتحادی جماعتوں کادبائومسترد،وزیراعظم عمران خان نے اسمبلیاں تحلیل کرنیکافیصلہ کرلیا

06:12 pm

اسلام آباد(ویب ڈیسک )حکومتی اتحادی جماعتیں ان ہائوس تبدیلی کوسوچ رہی ہیں اوران کی اس کوشش کوناکام بنانے کے لیے وزیراعظم عمران خان اسمبلیاں تحلیل کرنےپرغورکررہے ہیں ۔تفصیلات کے مطابق نجی ٹی وی پروگرام میں دعویٰ کیاگیاہے کہ وزیراعظم اسمبلیاں تحلیل کرنے پرغورکررہےہیں ۔
سینئر صحافی اور تجزیہ کار صابر شاکر نے نجی ٹی وی چینل کے پروگرام سے گفتگو کرتے ہوئے کہا ہے کہ حکومت کی اتحادی جماعتوں کی جانب سے دیے جانے والے بیانات عندیہ دے رہے ہیں کہ یہ جماعتیں اب حکومت کیساتھ ہاتھ کر کے اپوزیشن کے ساتھ ہاتھ ملانے کی تیاریاں کر رہی ہیں۔اطلاعات بھی ہیں کہ ان ہاوس تبدیلی کیلئے کوششیں کی جا رہی ہیں۔اپوزیشن جماعتوں کا موقف ہے کہ عمران خان کو اقتدار سے ہٹا کر آپس میں مل بانٹ کر کھائیں گے۔ صابر شاکر کا کہنا ہے کہ ایک جانب مسلم لیگ ق والے نواز شریف کی واضح حمایت کرتے ہوئے حکومت سے کہہ رہے ہیں کہ انہیں بیرون ملک جانے دیں۔جبکہ دوسری جانب ایم کیو ایم والے درخواست کرنے کی بجائے حکومت سے مطالبہ کر رہے ہیں کہ نواز شریف کو بیرون ملک جانے کی اجازت دی جائے۔ صابر شاکر کا کہنا ہے کہ حکومت کے اتحادی وزیراعظم کو بلیک میل کرنے کی کوشش کر رہے ہیں۔ اتحادی جماعتیں حکومت میں مزید حصہ چاہتے ہیں۔ بصورت دیگر یہ اتحادی جماتیں اپوزیشن کے ساتھ ہاتھ ملا کر ان ہاوس تبدیلی کی کوشش کریں گی۔ جبکہ وزیراعظم عمران خان کو اس تمام صورتحال کا ادراک ہے۔ اس حوالے سے آئندہ چند روز اہم ہوں گے۔

تازہ ترین خبریں