06:22 pm
 پاکستا نی حکام کی  بروقت مدد : عمان ایئرلائن کی پرواز آسمانی بجلی کی زد میں آکر بڑے حادثے سے بال بال بچ گئی

پاکستا نی حکام کی بروقت مدد : عمان ایئرلائن کی پرواز آسمانی بجلی کی زد میں آکر بڑے حادثے سے بال بال بچ گئی

06:22 pm

کراچی ( آن لا ئن ) پاکستا نی حکام کی بروقت مدد سے جے پورسے مسقط جانے والی عمان ایئرلائن کی پرواز276 پاکستانی فضائی حدود میں آسمانی بجلی کی زد میں آکر بڑے حادثے سے بال بال بچ گئی طیا رے میں 150سے زائد مسافر سوار تھے ۔ تفصیلا ت کے مطابق سندھ کے علاقے چھورکے مقام پربھارتی شہرجے پورسے مسقط جانے والی عمان ایئرلائن کی پرواز 276 آسمانی بجلی کی زد میں آگئی
کپتان نے ہنگامی بنیا دوں پر اے ٹی سی کو میڈے کا ل دی جس پر ایئر ٹریفک کنٹرولر نے انتہائی مہارت سے حواس باختہ کپتان کی رہنمائی کرتے ہوئے اسے دیگر جہازوں سے بچایا۔ پروازمیں 150 سے زائد مسافرسوارتھے جبکہ طیارہ بھارتی فضائی حدود سے ہوتا ہوا کراچی ریجن میں داخل ہوا تھا۔ایوی ایشن ذرائع کے مطابق طیارہ 38 ہزارفٹ بلندی پرتھا، آسمانی بجلی کی زد میں آکرطیارہ ایک دم کپتان سے بے قابوہو کر36 ہزارفٹ کی بلندی پرآگیا، کپتان نے ہنگامی بنیادوں پراے ٹی سی کومدد کی کال دی تھی جس پر پا کستانی حکام نے بروقت مد کر کے طیا رے کو بچا لیا ۔

تازہ ترین خبریں