04:39 pm
ریاست مدینہ سے بار بار تشبیہ دینے کا سلسلہ بند ہوناچاہیے:خادم رضوی

ریاست مدینہ سے بار بار تشبیہ دینے کا سلسلہ بند ہوناچاہیے:خادم رضوی

04:39 pm

لاہور (آن لائن) تحریک لبیک پاکستان کے سربراہ علامہ خادم رضوی نے کہا ہے کہ ریاست مدینہ سے بار بار تشبیہ دینے کا سلسلہ بند ہوناچاہیے۔شیر پنجاب داتا علی ہجوری ؒ ،رنجیت سنگھ مجسمہ لگانے سے شیر پنجاب نہیں بن سکتا۔داتا علی ہجویری ؒکے بعد حضرت میاں میر یا شہاب الدین غوری شیر پنجاب کہنے کے لائق ہیں۔عمران خان حکومت کرے رسول اللہ ﷺکے شہر کا نام استعمال کرنا بند کردیں۔تاریخ کو مسخ کرنے والے اوراپنے مقاصد کیلئے استعمال کرنے والے ہوش کے ناخن لیں
۔ان خیالات کا اظہار انہوں نے گزشتہ روز ایک تقریب سے خطاب کرتے ہوئے کیا۔علامہ خادم رضوی کا مزید کہنا تھا ریاست مدینہ میں امیر اور غریب کیلئے ایک قانون تھا لیکن یہاں بااثر افراد کیلئے اور قانون اور غریب لاچار افراد کیلئے اور قانون ہے۔کرپش کرپشن کا شور مچانے سے کرپشن ختم نہیں ہو گی۔جن لوگوں نے احتساب کرنا ہے اگر ان کی شخصیت پر سوالا ت اٹھیں گے اور اگر وہ خود متنازعہ ہونگے تو احتساب کون کرے گا۔عوام کے بارے میں کسی کو کوئی فکر نہیں ہے ہر بندہ اپنے پسندیدہ اور قریبی لوگوں کو نوازنے میں مصروف ہیں۔کیا اس کو ریاست مدینہ کا نام دیا جا رہا ہے۔

تازہ ترین خبریں